بلوچستان میں بھارتی دہشت گردی کے ثبوت منظر عام پر آگئے ہیں۔

گلوبل ٹائمز کی رپورٹ کے مطابق پاکستانی سرزمین پر بھارت کی جانب سے کی جانے والی دہشت گردی کے شواہد موجود ہیں، بھارت خفیہ طور پر پاکستان میں دہشت گرد قوتوں کی مالی معاونت کر رہا ہے۔

بلوچستان میں بھارتی دہشتگردی کے ثبوت منظر عام پر آگئے
براہ راست دیکھیں:https://t.co/wICt1vhBsr#BOLNews #Balochistan pic.twitter.com/m76GJFjXC1

— BOL Network (@BOLNETWORK) January 24, 2024

گلوبل ٹائمز نے کہا کہ پاکستان میں انتشار پھیلانے کے لیے بھارت بلوچستان میں مخصوص دہشت گرد فورسز کو مالی مدد اور اسلحہ فراہم کررہا ہے، پاکستان میں بھارتی دہشت گردی کی ایک طویل تاریخ موجود ہے، بھارت خطے میں علاقائی استحکام کو نقصان پہنچانے کے لیے بلوچستان میں مقامی لوگوں کو بغاوت پر اکسا رہا ہے۔

دسمبر 2023 میں بلوچ نیشنل آرمی کے کمانڈر سرفراز احمد بنگلزئی نے اس بات کا اعتراف کیا کہ بھارت بلوچستان میں خفیہ طور پر دہشتگردانہ کارروائیوں کی حمایت کر رہا ہے۔

 مارچ 2016 میں بلوچستان سے بھارتی خفیہ جاسوس کلبھوشن یادیو کو دراندازی کی کوشش کرتے ہوئے رنگے ہاتھوں پکڑا گیا۔

دی ہندو کے مطابق بلوچ لبریشن آرمی کے کمانڈر ماضی میں ہندوستان کے اسپتالوں میں اکثر جعلی شناخت استعمال کر کے علاج کی کوشش کرتا رہا۔

چائنیز اکیڈمی آف سوشل سائنسز کے نیشنل انسٹی ٹیوٹ آف انٹرنیشنل اسٹریٹجی کے ڈپٹی ڈائریکٹر یی ہیلن نے گلوبل ٹائمز کو بتایا کہ ہندوستان دہشت گردی کے حوالے سے مسلسل دوہرا معیار اپناتا آیا ہے۔

گلوبل ٹائمز کی رپورٹ میں یہ بھی کہا گیا ہے کہ بھارت نے عالمی سطح پر پاکستان کی تشخص کو خراب کرنے کی مذموم کوششیں کیں، بھارت کا پاکستان میں دراندازی کا مقصد سرمایہ کاری کو روکنا اور پاکستان کو ایف اے ٹی ایف کی بلیک لسٹ میں شامل کرنا ہے۔