چمن میں افغان سرحد پر پاسپورٹ کنٹرول سسٹم کے خلاف بلا جواز دھرنا جاری ہے۔

تفصیلات کے مطابق پاسپورٹ پالیسی کے نفاذ کے خلاف چمن میں دھرنے کے حوالے سے کوئٹہ کے شہریوں نے قانونی  بارڈر کراسنگ کو ختم کرنے کے مطالبے کو یکسر بے وقوفی قرار دیتے ہوئے مسترد کردیا ہے۔

پاسپورٹ کنٹرول سسٹم کے خلاف چمن میں بلا جواز دھرنا
براہ راست دیکھیں:https://t.co/zyMo2TbAqR#BOLNews #Quetta pic.twitter.com/LYoqMqlQKF

— BOL Network (@BOLNETWORK) January 15, 2024

پاسپورٹ پالیسی کے نفاز اور بارڈر مینجمینٹ کے حوالے سے کوئٹہ کے شہریوں نے ون ڈاکیومنٹ رجیم کی حمایت کر دی اور کہا کہ بارڈرز اس لیے بنائے جاتے ہیں کہ ایک ملک میں قانونی طور پر جایا جا سکے، حکومت پاکستان کے اقدامات اپنے شہریوں کی حفاظت کے لیے ہیں۔

شہریوں کا کہنا تھا کہ دنیا میں کسی ملک میں بھی آپ چلے جائیں آپ کو بغیر ویزا یا پاسپورٹ کے داخل نہیں ہونے دیا جاتا، جو لوگ قانونی طریقے کو ختم کرنے کی ڈیمانڈ کر رہے ہیں یہ بالکل بے وقوفی ہے۔

عوامی موقف تھا کہ یہ لوگ اپنے وقت اور روزگار کو تباہ کر رہے ہیں، اس وقت پاکستان کے حالات بہت حساس ہیں اور اس وقت میں ایسے اقدام بہت مثبت اور ضروری ہیں، اس اقدام پر دھرنا نہیں ہونا چاہیے اور قانونی طریقے سے اس پر عمل درآمد ہونا چاہیے۔

شہریوں نے مزید کہا کہ بارڈر لگانے کا مقصد ہی یہ ہے کہ یہ ہماری حدود ہے اور اس حدود سے نہ تو ہم نے خود باہر جانا ہے نہ کسی اور کو اندر آنے دینا ہے۔