پاک بحریہ اور رائل سعودی نیول فورسز کے مابین ایکسپرٹ لیول مذاکرات جاری

ویب ڈیسک

08th Jan, 2024. 04:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک بحریہ اور رائل سعودی نیول فورسز کے مابین ایکسپرٹ لیول مذاکرات جاری

اسلام آباد: پاک بحریہ اور رائل سعودی نیول فورسز کے مابین ایکسپرٹ لیول مذاکرات جاری ہیں۔

ترجمان پاک بحریہ کے مطابق پاک بحریہ اور رائل سعودی نیول فورسز کے مابین ایکسپرٹ لیول مذاکرات میں وائس چیف آف دی نیول اسٹاف وائس ایڈمرل اویس احمد بلگرامی نے وفد کی قیادت کی۔

پاک بحریہ کے ترجمان نے بتایا کہ میری ٹائم سیکیورٹی اور بحری شعبہ جات میں باہمی تعاون کو فروغ دینے پر اتفاق ہوا۔

ترجمان کا کہنا تھا کہ وائس ایڈمرل اویس احمد بلگرامی کی جانب سے رائل سعودی نیول فورسز کے تربیتی شعبے کو مزید تقویت دینے کے لیے اپنا کردار ادا کرنے کی یقین دہانی کرائی گئی۔

اس موقع پر وائس چیف آف دی نیول اسٹاف کی کمانڈر رائل سعودی نیول فورسز وائس ایڈمرل فہد بن عبداللہ الغفیلی سے ملاقات ہوئی جس میں باہمی دلچسپی کے امور اور دوطرفہ تعاون کو مزید بڑھانے پر تبادلہ خیال ہوا۔

وائس ایڈمرل اویس احمد بلگرامی نے کہا کہ پاک بحریہ اور رائل سعودی نیول فورسز کے مابین ہم آہنگی اور شراکت داری کو نئی بلندیوں تک لے جانے کیلئے پر عزم ہیں۔