ترکی میں تیار ہونے والا بحری جہاز "پی این ایس بابر" پاکستان کیلئے روانہ

ترکی میں تیار ہونے والا بحری جہاز “پی این ایس بابر” پاکستان کیلئے روانہ

سلمان علی اعوان

31st May, 2024. 11:39 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ترکی میں تیار ہونے والا بحری جہاز “پی این ایس بابر” پاکستان کیلئے روانہ

اسلام آباد: ترکی میں تیار ہونے والا پاک بحریہ کا پہلا ملجم کلاس جہاز پی این ایس بابر پاکستان کے لئے روانہ ہوگیا ہے۔

ذرائع کے مطابق استنبول سے ترک حکام نے پی این ایس بابر کو پہلے سفر پر روانہ کیا، تاہم پی این ایس بابر کی کمیشننگ تقریب گزشتہ برس ستمبر میں ہوئی تھی جبکہ پی این ایس بابر کی پاک بحریہ میں انڈکشن کی تقریب بھی جلد منعقد کی جائے گی، جو کراچی میں ہوگی۔

پی این ایس بابر کی تعمیر کا آغاز 4 جون 2020 کو ہوا تھا، پی این ایس بابر 15 اگست 2021 کو لانچ کیا گیا جبکہ کمیشننگ 23 ستمبر 2023 کو ہوئی۔

اس کےعلاوہ ورٹیکل لامنچنگ سسٹم سے لیس بابر کلاس کے 4 جہاز پاک بحریہ میں شامل کیے جا رہے ہیں، پاک ترک معاہدے کے تحت 2 جہاز استنبول اور 2 کراچی میں تیار کیے جا رہے ہیں، بابر کلاس کے 3 دیگر جہاز پی این ایس بدر، طارق اور خیبر اس وقت تیاری کے مختلف مراحل میں ہیں۔

بابر کلاس جہاز بیک وقت سطح آب، زیر آب اور فضا میں جنگ لڑنے کی صلاحیت رکھتا ہے، 2888 ٹن بابر کلاس جہاز پر فضائی خطرات سے نمٹنے کے لئے ورٹیکل لانچ سسٹم کے ذرئعیے ہدف کو نشانہ بنایا جا سکتا ہے جبکہ بابر کلاس کورویٹس اینٹی شپ اور اینٹی سب میرین جنگ کے لئے بھی جدید ترین میزائلوں اور ٹارپیڈوز سے لیس ہیں۔