شنگھائی تعاون تنظیم اجلاس؛ پاکستان کی بھارتی وزیراعظم کو شرکت کی دعوت

سلمان علی اعوان

25th Aug, 2024. 11:04 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شنگھائی تعاون تنظیم اجلاس؛ پاکستان کی بھارتی وزیراعظم کو شرکت کی دعوت

اسلام آباد: پاکستان نے بھارتی وزیراعظم نریندر مودی کو شنگھائی تعاون تنظیم کے سربراہ اجلاس میں شرکت کی دعوت دے دی۔

سفارتی ذرائع کے مطابق پاکستان نے بھارتی وزیراعظم نریندر مودی کو خط کے ذریعے دعوت نامہ بھجوا دیا۔ تاہم سفارتی ذرائع نے بھارتی وزیراعظم کو اسلام آباد مدعو کئے جانے کی تصدیق کر دی۔

بھارتی میڈیا کے مطابق نئی دہلی نے پاکستان کے دعوت نامے پر فیصلہ تاحال نہیں کیا گیا۔

میزبان ملک کی حیثیت سے پاکستان سمٹ اجلاس کے لئے ایس سی او کے تمام رکن ممالک کے سربراہان کو مدعو کر رہا ہے، شنگھائی تعاون تنظیم کا سربراہ اجلاس 15 سے 16 اکتوبر کو اسلام آباد میں منعقد ہوگا۔

شنگھائی تعاون تنظیم کے سربراہان حکومت کی کونسل کی چیئرمین شپ پاکستان کے پاس ہے، آخری بار 2015 میں بھارت کی وزیرخارجہ آنجہانی سشما سوراج نے شنگھائی تعاون تنظیم کے وزارتی اجلاس میں شرکت کے لیے پاکستان کا دورہ کیا تھا۔

سربراہ اجلاس سے پہلے پاکستان ستمبر میں ایس سی او کے وزارتی اجلاس کی بھی میزبانی کرے گا۔

یاد رہے کہ بھارتی وزیراعظم نریندر مودی 25 دسمبر 2015 کو غیر سرکاری دورے پر پاکستان آ چکے ہیں۔