بحری جہاز پی این ایس حنین کا ترکیہ کی بندرگاہوں گلوچک اور اکساز کا دورہ

سلمان علی اعوان

16th Aug, 2024. 10:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بحری جہاز پی این ایس حنین کا ترکیہ کی بندرگاہوں گلوچک اور اکساز کا دورہ

اسلام آباد: پاک بحریہ کے جہاز پی این ایس حنین نے ترکیہ کی بندرگاہوں گلوچک اور اکساز کا دورہ کیا ہے۔

پاک فوج کے شعبہ ابلاغ عامہ (آئی ایس پی آر) کے مطابق بندرگاہ پہنچنے پر پاکستانی سفارتخانے اور ترک بحریہ کے اعلیٰ حکام نے پاک بحریہ کے جہاز کا استقبال کیا۔

گلوچک میں قیام کے دوران کمانڈنگ آفیسر نے ترک بحریہ کے فلیٹ کمانڈر اور گلوچک نیول بیس کے کمانڈر سے اہم ملاقاتیں بھی کیں۔

اس کے علاوہ اکساز میں قیام کے دوران ترک بحریہ کے کمانڈر سیکنڈ ڈسٹرائر اسکواڈرن نے ترک بحریہ کے جہاز ٹی سی جی گیلیبولو کے کمانڈنگ آفیسر کے ہمراہ جہاز کا دورہ کیا۔

پی این ایس حنین اور ترک کوسٹ گارڈ کے جہاز گیلیبولو کے مابین دسویں دوطرفہ بحری مشق کا انعقاد کیا گیا، جس کا مقصد دونوں بحری افواج کے درمیان باہمی تعاون اور مشترکہ آپریشنز کی صلاحیت کو بڑھانا تھا۔

پی این ایس حنین کا دورہ دونوں ممالک کے درمیان سفارتی اور دفاعی تعلقات کو مزید فروغ دینے اور موجودہ برادرانہ تعلقات کو مزید تقویت دینے کا موقع فراہم کرے گا۔