قطر امیری بحریہ کے جہازالخور کا کراچی کی بندرگاہ کا دورہ

سلمان علی اعوان

24th Sep, 2024. 02:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قطر امیری بحریہ کے جہازالخور کا کراچی کی بندرگاہ کا دورہ

اسلام آباد: قطر امیری بحریہ کے جہازالخور نے کراچی کی بندرگاہ کا دورہ کیا ہے۔

پاک فوج کے شعبہ تعلقات عامہ (آئی ایس پی آر) کے مطابق کراچی آمد پر قطری بحریہ کے جہاز الخور کا پاک بحریہ کے حکام نے پُرتپاک استقبال کیا۔

آئی ایس پی آر کا کہنا ہے کہ قطری بحریہ کے کسی بحری جہاز کی 36 سال بعد پاکستان آمد تاریخی سنگ میل ہے۔

آئی ایس پی آر نے بتایا کہ پاکستان اور قطر بحریہ کے جہازوں نے مشق اسد البحر میں حصہ لیا۔

اس موقع پر قطری بحریہ کے جہاز کے کمانڈنگ آفیسر نے مزار قائد پر حاضری دی اور بابائے قوم کو خراج عقیدت پیش کیا۔

آئی ایس پی آر کے مطابق قطری بحریہ کے کمانڈگ آفیسر نے کمانڈر پاکستان فلیٹ وائس ایڈمرل فیصل عباسی سے بھی ملاقات کی، ملاقات کے دوران باہمی دلچسپی کے پیشہ وارآنہ امور و تعاون پر تبادلہ خیال کیا گیا۔

آئی ایس پی آر کا مزید کہنا ہے کہ قطر امیری بحریہ کے جہاز کے دورے سے دونوں برادر ممالک کے سفارتی اور دفاعی تعلقات کو فروغ ملے گا۔