پاکستان اور چین کی مشترکہ جنگی مشقیں واریئر 8 مکمل

سلمان علی اعوان

11th Dec, 2024. 11:47 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اور چین کی مشترکہ جنگی مشقیں واریئر 8 مکمل

پاکستان اور چین کی مشترکہ جنگی مشقیں واریئر 8 مکمل ہوگئی ہیں۔

پاک فوج کے شعبہ تعلقات عامہ (آئی ایس پی آر) کے مطابق پاک چین مشترکہ جنگی مشقیں واریئر 8 اختتام کو پہنچ گئیں، واریئر 8 مشقیں 19 نومبر سے 11 دسمبر تک جاری رہیں۔

آئی ایس پی آر نے بتایا کہ مشقوں میں پاکستان اور چین کے دستوں نے انسداد دہشت گردی کے حوالے سے ایک دوسرے کے تجربات سے استفادہ کیا۔ واریئر 8 انسداد دہشت گردی کے حوالے سے پاکستان اور چین کے درمیان سالانہ مشقوں کی کڑی ہے۔

مشقوں کے دوران وزیٹرز ڈے تقریب کے دوران شرکاء نے ٹلہ فیلڈ فائرنگ رینج کا دورہ بھی کیا۔

ترجمان پاک فوج کے مطابق تقریب میں کور کمانڈر راولپنڈی لیفٹیننٹ جنرل شاہد امتیاز نے بطور مہمان خصوصی شرکت کی جبکہ پاکستان میں چینی سفیر دیگر مہمانوں کے ساتھ موجود تھے۔

آئی ایس پی آر نے مزید بتایا کہ شرکاء نے مشقوں کے دوران دستوں کی پیشہ وارانہ مہارت اور بلند معیار تربیت کو سراہا۔