پاک بحریہ کے نئے جنگی جہاز یمامہ کا دورہ ترکی؛ مشق ماوی وطن میں شرکت

سلمان علی اعوان

15th Jan, 2025. 10:51 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک بحریہ کے نئے جنگی جہاز یمامہ کا دورہ ترکی؛ مشق ماوی وطن میں شرکت

پاک بحریہ کے نئے جہاز پی این ایس یمامہ نے ترکیہ کی بندرگاہوں گولچک اور اکساز کا دورہ کیا اور ترک بحریہ کی مشق ماوی وطن میں حصہ لیا۔

پاک فوج کے شعبہ تعلقات عامہ (آئی ایس پی آر) کے مطابق بندرگاہ پہنچنے پر پاکستانی سفارتخانے اور ترک بحریہ کے اعلیٰ حکام نے جہاز پی این ایس یمامہ کا استقبال کیا۔

ترک نیوی فلیٹ کے ڈپٹی کمانڈر وائس ایڈمرل ابراہیم اوزدین کوثر نے پی این ایس یمامہ کا دورہ کیا جس کے بعد ان کو جہاز کی صلاحیتوں کے بارے میں تفصیلی بریفنگ دی گئی۔

اس موقع پر پی این ایس یمامہ اور ترک بحریہ کے جہازوں کے درمیان مشق ماوی وطن کا انعقاد کیا گیا، جس کا مقصد دونوں بحری افواج کے باہمی تعاون اور مشترکہ آپریشنز کی صلاحیت کو بڑھانا تھا۔

آئی ایس پی آر کا کہنا تھا کہ پی این ایس یمامہ کا دورہ دونوں ممالک کے درمیان سفارتی اور بحری تعلقات کو مزید فروغ دینے اور موجودہ برادرانہ تعلقات کو مزید تقویت دینے کا موقع فراہم کرے گا۔