پاک فضائیہ کی اونچی اڑان کے باعث بھارتی فضائیہ پریشان ہوگئی، پاک فضائیہ میں ففتھ جنریشن فائٹر جیٹس کی شمولیت سے بھارت کی نیندیں حرام ہوگئی ہیں۔

دفاعی ماہرین نے نیکسٹ جنریشن پاک فضائیہ کو خطرہ قرار دے دیا، بھارت کو اب 2 فرنٹ نہیں 3.5 فرنٹ وار لڑنا ہو گی، جے 35 کے بعد ٹی ایف ایکس کی پاک فضائیہ میں شمولیت کا بھارت کے پاس کوئی توڑ نہیں۔

میجر جنرل (ر) بخشی نے اعتراف کیا ہے کہ بھارت کی فضائیہ شدید بحرن کا شکار ہو چکی ہے، 2030 میں چین کے پاس 1 ہزار ففتھ جنریشن فائٹر جیٹس ہوں گے، بھارت کو ہر حال میں اپنا ففتھ جنریشن فائٹر بنانا ہوگا۔

انکا کہنا ہے کہ امریکہ بھارت کو ایف 35 دینے کے لئے تیار نہیں،  امریکہ بھارت کو وہ ایف 16 دینا چاہتا ہے جو کئی دہائیاں پہلے پاکستان کو دیے، اسپیس پاور ہونے کے باوجود بھارت ففتھ جنریشن جیٹ نہیں بنا سکتا۔

میجر جنرل (ر) بخشی نے مزید کہا کہ ففتھ جنریشن تو دور بھارت کا تو فور پوائنٹ جنریشن پر پہیہ جام ہو چکا ہے، جو بائیڈن نے بھارت کی پیٹھ میں چھری گھونپی،  امریکہ بھارت کے 1 ارب ڈالر ڈکار گیا،  بھارت کے تیجس اور ففتھ جنرینش جیٹس کے لئے انجن کا بحران ہے۔

بھارت کا ففتھ جنریشن کا پہلا ماڈل 2029 میں آئے گا اور 2035 سے پہلے شمولیت ممکن نہیں، دوسری طرف پاک فضائیہ کے پائلٹس جے 35 پر ٹریننگ کر رہے ہیں۔

پاک فضائیہ کے پائلٹس کی جے 35 پر ٹریینگ کی خبر سب سے پہلے بول نیوز نے بریک کی تھی، پاک فضائیہ  2028 کے بعد کسی وقت ٹی ایف ایکس کی شمولیت کے لئے پیشرفت کرنی ہو گی۔