سیکیورٹی فورسز کے شمالی وزیرستان میں آپریشن کے دوران بھارتی ایجنٹ دہشت گرد تنظیم فتنہ الہندوستان کے 14 دہشتگرد ہلاک ہوگئے۔

پاک فوج کے شعبہ تعلقات عامہ (آئی ایس پی آر) سے جاری بیان میں کہا گیا کہ 2 اور 3 جون کو شمالی وزیرستان کے علاقے دتہ خیل میں سیکیورٹی فورسز نے انٹیلیجنس اطلاعات کی بنیاد پر کامیاب آپریشن کیا، کارروائی میں بھارتی حمایت یافتہ شدت پسند تنظیم “فتنہ الخوارج” کے دہشت گردوں کے خفیہ ٹھکانوں کو نشانہ بنایا گیا۔

آئی ایس پی آر کے مطابق آپریشن کے دوران سیکیورٹی فورسز اور دہشت گردوں کے درمیان شدید فائرنگ کا تبادلہ ہوا، جس کے نتیجے میں 14 دہشت گرد ہلاک ہو گئے۔

ترجمان پاک فوج نے بتایا کہ یہ تمام دہشت گرد بھارتی سرپرستی میں پاکستان میں دہشت گردی کی سرگرمیوں میں ملوث تھے۔

آئی ایس پی آر کے مطابق علاقے میں مکمل سیکیورٹی یقینی بنانے کے لیے کلیئرنس اور سینیٹائزیشن آپریشن جاری ہے تاکہ ہر ممکن خطرے کا خاتمہ کیا جا سکے۔

آئی ایس پی آر کا کہنا تھا کہ پاکستان کی سیکیورٹی فورسز ملک کو بھارتی حمایت یافتہ دہشت گردی سے مکمل طور پر پاک کرنے کے لیے پرعزم ہیں اور ایسی کارروائیاں ملک کی سالمیت اور امن کے تحفظ کے لیے جاری رہیں گی۔