راولپنڈی: خیبرپختونخوا میں سیکیورٹی فورسز نے دہشت گردوں کے خلاف کامیاب کارروائیاں کرتے ہوئے 31 خارجی دہشت گردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز کی جانب سے دہشت گردوں کے خلاف یہ کارروائی 13 اور 14 ستمبر کو لکی مروت اور بنوں میں انٹیلیجنس اطلاعات پر کی گئی۔
ترجمان پاک فوج نے بتایا کہ لکی مروت میں کارروائی کے دوران دہشت گردوں کے ٹھکانے کو نشانہ بنایا گیا جہاں شدید فائرنگ کے تبادلے کے بعد 14 بھارتی سپانسرڈ دہشت گرد مارے گئے۔
Advertisement
مزید پڑھیں: مستونگ میں انٹیلیجنس بیسڈ آپریشن؛ بھارتی پراکسی فتنہ الہندوستان کے 4 دہشت گرد ہلاک
اسی طرح بنوں میں بھی سیکیورٹی فورسز نے انٹیلیجنس بیسڈ آپریشن کیا جس میں 17 دہشت گردوں کو ہلاک کردیا گیا۔
آئی ایس پی آر کے مطابق دونوں علاقوں میں سینیٹائزیشن آپریشنز جاری ہیں تاکہ علاقے کو دہشت گردوں کے اثر سے مکمل طور پر پاک کیا جاسکے۔
ترجمان پاک فوج نے کہا ہے کہ پاکستان کی سیکیورٹی فورسز بھارتی اسپانسرڈ دہشت گردی کے خاتمے کے لیے پرعزم ہیں۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
