میر علی میں فتنۃ الخوارج کا خودکش حملہ ناکام؛ 4 خوارجی جہنم واصل

سلمان علی اعوان

17th Oct, 2025. 11:29 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میر علی میں فتنۃ الخوارج کا خودکش حملہ ناکام؛ 4 خوارجی جہنم واصل

شمالی وزیرستان کے علاقے میر علی میں سیکیورٹی فورسز نے خوارج کا خودکش حملہ ناکام بناتے ہوئے 4 خوارجی جہنم واصل کردیے۔

ذرائع کے مطابق میر علی میں خوارج نے سیکیورٹی فورسز پر خودکش حملے کی کوشش کی، ایک خوارجی نے بارود سے بھری گاڑی سیکیورٹی فورسز کے کیمپ کی دیوار سے ٹکرائی جو دھماکے سے پھٹ گئی، جس کے بعد 3 مزید خوارجیوں نے کیمپ کے اندر داخل ہونے کی کوشش کی۔

ذرائع نے بتایا کہ بر وقت اور بہادرانہ کارروائی کے نتیجے میں تینوں خوارجی کیمپ کے باہر ہی جہنم واصل کر دیے گئے جبکہ سیکیورٹی فورسز کا کسی قسم کا کوئی نقصان نہیں ہوا۔

ذرائع کا مزید کہنا ہے کہ صرف پچھلے دو دن میں افغان طالبان کے حمایت یافتہ 88 خوارج کو جہنم واصل کیا جا چکا ہے، ان شاء اللہ نیشنل ایکشن پلان کے تحت آخری خوارجی کے خاتمے تک افواجِ پاکستان اور قانون نافذ کرنے والے ادارے ملک کے دفاع کے لیے یونہی ڈٹے رہیں گی۔