عمر شریف کے بیٹے نے ان کی طبیعت کی خرابی کی تردید کردی

سید قاسم رضا

29th Jun, 2019. 09:28 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمر شریف کے بیٹے نے ان کی طبیعت کی خرابی کی تردید کردی

پاکستان کے بین الاقوامی شہرت یافتہ معروف کامیڈین عمر شریف کی طبعیت کے حوالے سے سوشل میڈیا پر چلنے والی خبروں کی ان کے بیٹے جواد عمر نے تردید کر دی ہے۔

تفصیلات کے مطابق عمر شریف کے بیٹے جواد عمر نے سوشل میڈیا پر چلنے والی خبروں کی تردید کرتے ہوئے کہا کہ ان کے والد صاحب بلکل ٹھیک ہیں۔جنرل چیک اپ کے لیے اسپتال جانے کو بڑھا چڑھا کر بیان نہ کیا جائے ، اس سب سے ہمارا خاندان اذیت میں مبتلا ہے،بار بار ایسی افواہوں سے اہل خانہ پریشان ہو رہے ہیں۔

جواد عمر نے یہ بھی کہا ہے کہ والد اپنے انٹرنیشنل ٹورز کی ریہرسل میں مصروف ہیں۔

انہوں نے مزید کہا کہ اس سے قبل بھی سوشل میڈیا پر اس طرح کی خبریں پھیلائی گئی ، اس لیے وہ سب سے اپیل کرتے ہیں کہ بغیر تصدیق کے کسی کی بھی صحت سے متعلق خبریں پھیلانے سے گریز کریں۔

یاد رہے کہ گزشتہ کچھ روز سے سوشل میڈیا پر یہ خبریں گردش کر رہی تھیں کہ معروف کامیڈین عمر شریف کی طبعیت انتہائی خراب ہے ۔