سوشل میڈیا صرف  پرستاروں   کو ان کے پسندیدہ اسٹارز  کے قریب  ہی نہیں لے جاتا بلکہ  مشہور   شخصیات  کے لیےکمائی کا ذریعہ بھی ہے۔

 ایک طرف جہاں کئی لوگ سوشل میڈیا پر پوسٹ کرنے  کے بعد  زیادہ سے زیادہ لائکس ملنے کی دعا مانگتے ہیں،وہیں کچھ مشہور شخصیات ایسی بھی ہیں جنہیں ایک پوسٹ کے کروڑوں روپے ملتے ہیں۔

ایک نجی ویب سائٹ کی رپورٹ کے مطابق جن اسپورٹس اسٹارز  کو  اپنی انسٹاگرام پوسٹ کےپیسے ملتے ہیں ان میں پرتگال  کے   اسٹار فٹ بالر کرسٹیانو رونالڈو ٹاپ پر ہیں۔ رونالڈو کے انسٹاگرام پر 176 ملین فالوورز  ہیں اور  انہیں ایک اسپانسرڈ پوسٹ کے لیے6کروڑ 73 لاکھ روپے تک ملتے ہیں۔

بھارتی کھلاڑی اور اداکار بھی  کسی سے پیچھے نہیں  ہیں     ۔اسپورٹس کی بات کریں تو  بھارتی    کرکٹ  ٹیم  کے کپتان   ویرات  کوہلی ٹاپ پر ہیں۔ انسٹاگرام پر کوہلی   کے 36 ملین فالوورز  ہیں جبکہ    وہ   ایک اسپانسرڈ پوسٹ کے لیے1کروڑ 35 لاکھ روپے تک لیتے ہیں۔

بالی ووڈ  میں دیسی گرل پریانکا چوپڑا سب پر بازی لے گئی ہیں  ۔رپورٹ کے مطابق پریانکا چوپڑا کو ایک پوسٹ کے لیے1  کروڑ35 لاکھ  روپے  ملتے ہیں۔

ان ستاروں کے علاوہ اس فہرست میں اسٹار فٹ بالر   لیونل میسی، ڈیوڈ بیکہم، گلوکار اریانا گرانڈے اور سوشل میڈیا اسٹار کائلی جینر کا نام شامل ہے۔