پاکستانی اداکارہ مہوش حیات ایک اور اعزاز کی حقدار بن گئی۔

اداکارہ مہوش حیات دنیا پر اثر انداز ہونے والی دنیا کی  پانچ  مسلم خواتین میں شامل ہوگئیں۔

واضح رہے کہ 23 مارچ کو حکومت پاکستان کی جانب سے اداکارہ مہوش حیات کو فلمی دنیا میں بہترین خدمات سر انجام دینے  پر تمغہ امتیاز سے بھی نوازا گیا تھا۔

ذرائع  کے مطابق بین الاقوامی میگزین دی مسلم وائبز نے خواتین کے حقوق کیلئے اُن خواتین کا انتخاب کیا جنہوں نے مشکلات کے باوجود دوسری خواتین کے حقوق کیلئے آواز اٹھائی اور ہر مشکل کا ہمت سے مقابلہ کیا۔

 دی مسلم وائبز نے پانچ باہمت مسلم خواتین کو منتخب کیا جس میں مہوش حیات کا نام بھی شامل ہے۔

بین الاقوامی میگزین  نے مہوش حیات کو دنیا کی پانچ اثر انداز خواتین میں اس وجہ سے شامل کیا کیونکہ  مہوش اداکاری کے علاوہ سماجی کاموں میں بھی پیش پیش رہتی ہیں۔

تفصیلات کے مطابق مہوش حیات نے مسلم وائبز کےاعزاز دینے پر شکریہ ادا کرتے ہوئے کہا میرے لئے اعزاز کی بات ہے کہ میں دنیا کی ان پانچ مسلم خواتین میں سے ہوں ، جو دقیانوسی تصورات کو ختم کرکے دنیا میں تبدیلی کیلیے کوشاں ہیں۔

I am so honoured to be chosen by the international Magazine, "Muslim Vibe" as one of the top five Muslim women in the world who are breaking stereotypes and changing the world. To be thought of in the same breath as women I look up to is humbling 🙏🙏🙏 https://t.co/3NUkAkIyQe

— Mehwish Hayat TI (@MehwishHayat) August 26, 2019

مہوش حیات کو ان کی سماجی خدمات پر ہمیشہ سراہا گیا ، حال ہی میں مہوش نے  بچیوں کی تعلیم کیلئے کام کیا اور سکھر کے خستہ حال اسکول کے حوالے سے مہم بھی شروع کی ۔

بین الاقوامی میگزین دی مسلم وائبز کی ٹاپ فائیو مسلم وومن میں پہلے نمبر پر مصری ایتھلیٹ منال رستم ہیں، دوسری امریکی کانگریسی رہنما الہان عمراور تیسرے نمبر پر مہوش حیات کا نام شامل ہے۔

واضح رہے کہ مہوش حیات نے کشمیر پر جاری ظلم وستم پر بھی انٹرنیشنل میڈیا پر آواز اٹھائی ہے اور انکا کہنا تھا کہ پاکستان مخالف بھارتی فلمیں نفرتیں بڑھاتی ہیں، ہمیں بھارتی فلموں کا جواب دینا چاہیے۔