بھارتی اداکار نوازالدین صدیقی پاکستانی گلوکارہ مومنہ مستحسن کی آواز کے دیوانے نکلے ۔

بھارتی اداکار نوازالدین صدیقی نے ایک انٹرویو میں بتا یا کہ فلم’منٹو‘ کی شوٹنگ کا آغاز مومنہ مستحسن کے گانے سن کر کرتے تھے۔

نوازالدین صدیقی کا کہنا تھا کے مجھے مومنہ کی آواز بہت پسند ہے اور شوٹنگ کے دوران پاکستانی گلوکارہ مومنہ مستحسن کا گانا ’تیرا وہ پیار‘ سنا کرتا تھا، فلم کی شوٹنگ کے دوران یہ گانا سننے کے بعد فلم کے سارے سین شوٹ کرائے۔

اداکار کا مومنہ کی گائیکی کے حوالے سے کہنا تھا کہ کوئی بھی سین شوٹ کرنے جاتا تھا تو ایک بار پہلے ضرور مومنہ کا گانا سنا کرتا تھا اور اپنے ہی خیالوں میں گُم ہوجاتے تھے حالانکہ فلم منٹو سے اُس گانے کی مماثلت نہیں تھی۔

گلوکار شجاع حیدر نے انٹرویو کی ویڈیو اپنے انسٹاگرام اکاؤنٹ پر شیئر کی جس کے بعد عاصم اظہر اور مومنہ مستحسن نے نواز الدین صدیقی کا شکریہ ادا کیا۔

نواز الدین کے جانب سے مومنہ مستحسن کی گائیکی کی تعریف پرمومنہ نے سماجی ویب سائٹ انسٹاگرام اسٹوری میں بھارتی اداکار کا شکریہ ادا کیا ۔

واضح رہے کہ گانا ’تیرا وہ پیار‘ پاکستانی گلوکارہ مومنہ مستحسن اور گلوکار عاصم اظہر نے مل کر کوک اسٹوڈیو کے لیے گایا تھااور اس گانے کو پاکستان میں بھی بہت پسند کیا گیا تھا۔