پاکستانی اداکارہ ماہرہ خان ’پیرس فیشن ویک‘ میں ریمپ پر جلوے بکھیرنے کے لیے تیار ہیں ۔

ماہرہ خان پیرس فیشن ویک میں حصہ لینے کے لیے گزشتہ روز پیرس پہنچی ہیں جہاں وہ انٹرنیشنل برانڈ

لوریال پیرس کی سفیر کی حیثیت سے پیرس فیشن ویک میں پاکستان کی نمائندگی کرتی نظر آئیں گی۔

https://www.instagram.com/p/B24YIQhhaMQ/?utm_source=ig_web_copy_link

اداکارہ ماہرہ خان نے پیرس میں لی گئی تصاویر انسٹاگرام پر شئیر کی جس میں انہوں نے بہت ہی تھوڑا میک اپ کیا ہوا ہے اور پھر بھی بے حد خوبصورت نظر آرہی ہیں۔

https://www.instagram.com/p/B24W1OZhEFY/?utm_source=ig_web_copy_link

گزشتہ برس ماہرہ خان نے فلمی دنیا کے سب سے بڑے میلے کانزفلم فیسٹیول میں پاکستان کی نمائندگی کرکے دنیا کو پیغام دیا تھا کہ پاکستانی فنکار بھی کسی سے کم نہیں۔

https://www.instagram.com/p/B24LogGh9dh/?utm_source=ig_web_copy_link

 کانز فلم فیسٹیول کے دوران ماہرہ خان کے لباس اور اسٹائل کی بے حد تعریف کی گئی تھی۔

تاہم رواں سال وہ کانز میں شرکت نہ کرسکیں جس کے باعث ان کے مداح  مایوس ہوگئے تھے لیکن ماہرہ نے اپنے چاہنے والوں کی مایوسی دورکرتے ہوئے بتایا تھا کہ وہ کانز میں تو نہیں لیکن پیرس فیشن ویک میں شرکت کریں گی۔

واضح رہے کہ پیرس فیشن ویک 23 ستمبرسے یکم اکتوبر تک جاری رہے گا۔