معروف گلوکارہ نکی میناج نےاعلان کیا ہے کہ وہ موسیقی کی دنیا کو چھوڑ کر اپنا گھر بسانا چاہتی ہیں۔

36 سالہ امریکی گلوکارہ نکی میناج نے سماجی رابطے کی ویب سائٹ  ٹوئٹر پراعلان کے ذریعے کیا۔’میں نے فیصلہ کیا ہے کہ میں ریٹائرہو جاؤں اور اپنا گھر بسا لوں۔

 مجھے معلوم ہے آپ لوگ خوش ہیں۔ میرے مداحوں، آپ میرے گانے سنتے رہیں اور اُس وقت تک سنتے جب تک میں مر نہیں جاتی، کیوں کہ کوئی بھی مجھے چیک نہیں کر رہا ہوگا۔‘ ان کےاچانک موسیقی چھوڑنے کے اعلان نے مداحوں کو حیران کر دیا۔ کئی افراد نے اس ٹوئٹ کو مذاق سمجھا۔

نکی میناج کا موسیقی کیریئر 2007 میں شروع ہوا تھا۔  ان کے اب تک  چار البم ریلیز ہوچکے ہیں ۔ جن میں’پنک فرائیڈے‘ ’رومن ری لوڈیڈ‘   ’دا پنک پرنٹ‘اورآخری البم ’’کوئین‘‘ 2018 میں مارکیٹ میں آیا۔

 ان کے سپرہٹ گانوں میں’ایناکونڈا‘، ’سپر باس‘ اور’سٹارشپس‘ جیسے گانے شامل ہیں۔ وہ اب تک 300 سے زائد گانے گا چکی ہیں جن کی شہرت کے سبب اُنہیں اب تک متعدد ایوارڈز بھی مل چکے ہیں۔

جن میں 10 گریمی نامزدگیاں، چھ امریکی میوزک ایوارڈز، 11 بی ای ٹی ایوارڈز اور چار بلبورڈ میوزک ایوارڈزشامل ہیں۔ جبکہ سن 2017 میں ان کا نام گنیز بک آف ورلڈ ریکارڈ میں شامل کیا گیا تھا۔

اپنے کیریئر کے دوران میناج کو تاریخ میں سب سے زیادہ بااثر ہپ ہاپ فنکار کا اعزاز بھی دیا جاتا رہا۔ واضح  رہے کہ نکی میناج اپنے متنازع جنسی رجحانات اور نیم عریاں پرفارمنس کے حوالے سے شہرت رکھتی ہیں۔