وزیراعظم عمران خان کی اقوام متحدہ کی جنرل اسمبلی میں کی گئی تقریر کو  پاکستان سمیت دنیا بھر میں سراہا جارہا ہے۔ چاہے  وہ سیاستدان ہوں  یا اداکار  ہر شعبے سے  تعلق  رکھنے والے افراد نے وزیراعظم کی تقریر کی پذیرائی کی۔

وزیراعظم کی دبنگ تقریر گزشتہ روزپاکستان میں ٹاپ ٹرینڈ اور دنیا بھر میں بھی  ٹرینڈ  کررہی ہے ۔ پاکستانی شوبز انڈسٹری سے تعلق رکھنے والی شخصیات نے وزیراعظم عمران خان  کی  تقریر کو شیر کی  دھاڑ سے  تشبیہ دے دی۔  فنکاروں کا کہنا ہے کہ وزیراعظم کی تقریر نے  پوری قوم کا سر فخر سے بلند کردیا ہے۔

اداکارہ اور ماڈل ماہرہ خان نے وزیراعظم کی تقریر کے بعد ٹوئٹر پر اپنے جذبات کا اظہار کرتے ہوئے کہا ہے کہ بالآخر میں نے وزیراعظم کی تقریر دیکھ لی۔ عمران خان آپ نے ہم سب کے سر فخر سے بلند کردئیے۔

Advertisement

Finally got to watch the speech… @ImranKhanPTI you make us proud!!♥️🇵🇰

— Mahira Khan (@TheMahiraKhan) September 27, 2019

 پاکستان ڈرامہ و فلم  انڈسٹری  کے  ہیرو ہمایوں سعید نے وزیراعظم کی تقریر کو سراہتے ہوئے انہیں ایک سچا اور متحرک لیڈر قرار دیا۔ انہوں نے کہا وزیراعظم نے اپنا پیغام بہت ہی واضح اور بلند آواز میں دنیا تک پہنچایا مجھے عمران خان پر بے حد فخر ہے۔

Prime Minister Imran Khan packs a powerful punch with his eloquent speech and tremendous passion. As a truly dynamic leader, he gets the message across loud and clear. So proud of him! #UNGA2019 pic.twitter.com/n9jlZ6LbzK

Advertisement

— Humayun Saeed (@iamhumayunsaeed) September 27, 2019

 اداکار  اور سیاسی مبصر   حمزہ علی عباسی نے کہا کہ ہم اللہ کا شکر ادا کرتے ہیں کہ انہوں نے عمران خان کے روپ میں نعمت سے نوازا، جنہوں نے آج ثابت کردیا کہ وہ صرف پاکستان اور کشمیر کے لیڈر (قائد) نہیں ہیں بلکہ دنیا بھر کے مسلمانوں کے لیڈر ہیں۔

Thankful to Allah for blessing us with PM Imran Khan who today proved that he is not just a leader of Pakistan & Kashmir but a Leader for all Muslims & one of the biggest voices of Humanity & Islam. May Allah protect him. #UNGA2019#IKFinalTalkForKashmir #ImranKhanVoiceOfKashmir

— Hamza Ali Abbasi (@iamhamzaabbasi) September 27, 2019

 اداکار وہدایت کار شان شاہد اقوام متحدہ میں وزیراعظم کی جانب سے مسئلہ کشمیر کو جاندار انداز میں پیش کرنے اور بہترین تقریر کرنے پر جذباتی ہوگئے، اور کہا کہ وزیراعظم کی تقریر سن کر خوشی کےمارے ان کے آنسو چھلک پڑے۔ انہوں نے تالیاں بجاکر عمران خان کو سراہا اور  کہا انہیں آج بے حد فخر محسوس ہورہا ہے ۔ ان کا مزید کہنا تھا کہ   آپ نے کسی شیر کی طرح اقوام متحدہ میں تقریر کی ایسا شیر جو آخری سانس تک آزادی کے لیے لڑتا ہے۔ پوری قوم آپ کے پیچھے کھڑی ہے۔

Dear Pm @ImranKhanPTI I cried I clapped & I felt proud . you spoke as the son of the soil a true leader who strives for peace and betterment of his people . You spoke like a lion who will fight for freedom till the last breath . The nation sir stands behind you in every word.🇵🇰

— Shaan Shahid (@mshaanshahid) September 27, 2019

پاکستان کی مایہ  ناز اداکارہ  اور ماڈل  مہوش حیات نے بھی وزیراعظم کی تقریر پر خوشی کا اظہار کرتے ہوئے کہا ہم خوش قسمت ہیں کہ ہمیں آپ جیسا لیڈر ملا جس نے فصاحت کے ساتھ ہمارا مقدمہ دنیا کے سامنے رکھا۔ اقوام متحدہ کو کشمیر میں جاری آپریشن کو ختم کرنا ہوگا۔

Our PM’s address to the UNGA was awe inspiring. So glad that we have a leader who so eloquently put our case to the world. The UN has to take heed & end the oppression in Kashmir. Remember the Pakistani nation are like cornered tigers don’t provoke us! 🇵🇰#ImranKhanVoiceOfKashmir

— Mehwish Hayat TI (@MehwishHayat) September 27, 2019

گلوکار، اداکار اور میزبان فخر عالم نے وزیراعظم کی تقریر کو شیر کی دہاڑ سے تشبیہ دیتے ہوئے کہا عمران خان نے مودی کے جھوٹوں کو کلین بولڈ کرکے تنقید نگاروں کے منہ پر چھکا دے مارا۔ ان کی تقریر کا آخری جملہ شیرکی دہاڑ تھا۔ ان کا پیغام بہت واضح تھا کہ ہم امن چاہتے ہیں لیکن اگر ہم پر جنگ مسلط کی گئی تو سامنے والے کو ایسا حریف ملے گا جو آپ کی بنیادیں ہلا دے گا۔

PM @ImranKhanPTI just clean bowled the lies of @narendramodi and hit all his doubters/haters for a SIX. His closing sentences were the roar of a lion. His message is clear we want PEACE but if u impose WAR then you will find a worthy opponent that will rattle your foundations.

— Fakhr-e-Alam (@falamb3) September 27, 2019