مہوش  حیات کی ایک ویڈیو وائرل ہوئی جس کے بعد ہر کوئی انہیں تنقید کا نشانہ بنا رہا ہےاور اب گلوکارہ رابی پیر زادہ نے بھی مہوش حیات پر تنقید کردی ہیں۔

صدارتی تمغہ امتیاز لینے والی مشہور اداکارہ مہوش حیات جو ماضی میں ہمیشہ سیاسی امور، حقوق نسواں اور مسئلہ کشمیر پر کھل کر بات کرتی ہیں تاہم ان کی ایک ویڈیو سوشل میڈیا پر وائرل ہو رہی ہے جس میں وہ کشمیر کے سوال پر جواب دینے سے گریزاں ہیں۔

مہوش حیات کی ویڈیو میں دیکھا جا سکتا ہے کہ اداکارہ  نےایونٹ کے دوران مسئلہ کشمیر پر بات کرنے سے انکار کر دیا تھا۔

رابی پیر نے مہوش کے حوالے سے کہا کہ لوگ درست کہتے ہیں کہ میں مہوش حیات جیسی کبھی نہیں بن سکتی کیونکہ میرے والدین آئٹم سانگ کرنے کے خلاف ہیں۔

رابی نے مزید کہا کہ میں مہوش حیات کے تجربے سے بہت پیچھے ہوں مگر میں پاکستان میں کسی کو بھی کشمیر کے معاملے پر خاموش رہتا نہیں دیکھنا چاہتی۔

مہوش نے سماجی ویب سائٹ  ٹوئیٹر پر لکھا کہ سوشل میڈیا پر وائرل ہونے والی ویڈیو  کو غلط نظر سے دیکھا جا رہا ہیں  میں عالمی سطح پر مسئلہ کشمیر پر کھل کر بات کرتی آرہی ہوں اور کرتی رہوں گی۔

مہوش نے ٹویٹ میں مزید لکھا کہ یہ ایک فلاحی تقریب تھی اور مجھ سے درخواست کی گئی تھی کہ میں سیاسی گفتگو سے پرہیز کروں، تاکہ ان یتیم بچوں سے توجہ نہ ہٹے جن کی مدد کرنے میں اس ایونٹ میں پہنچی تھی۔