پاکستانی اداکارہ و ماڈل آمنہ شیخ اور اداکار محب مرزا کا 14 سال بعد ازدواجی رشتہ ختم ہوگیا۔

تفصیلات کے مطابق گزشتہ کچھ دنوں سے یہ قیاس آرائیاں کی جارہی تھیں کہ آمنہ شیخ اور محب مرزا کا ازدواجی رشتہ ختم ہوگیا اور دونوں کے درمیان علیحدگی ہوگئی ہیں۔

دونوں اداکاروں نے اس معاملے پر بالکل خاموشی اختیار کی ہوئی تھی لیکن اب محب نے اس بات کی تصدیق کر دی۔

بول نائٹ شو کے میزبان احسن خان کے سوال پر محب مرزا نے بتایا کہ وہ اور آمنہ اب ساتھ نہیں ہیں واضح رہے کہ جلد یہ پروگرام ریلیز ہو جائے گا جس میں محب نے ازدواجی رشتہ ختم  ہونے کی وجہ بتائی ہیں۔

محب مرزا نے بتایا کہ وہ اور آمنہ اب علیحدہ علیحدہ رہتے ہیں جبکہ اُن کی ایک بیٹی بھی ہے اور اب زندگی بہترین چل رہی ہے۔

یاد رہے کہ محب مرزا اور آمنہ شیخ 2005 میں رشتہ ازدواج میں منسلک ہوئے تھے اور اگست 2015 میں ان کے گھر ننھی پری میسا مرزا کی پیدائش ہوئی۔

آمنہ شیخ گزشتہ کئی عرصے سے ٹی وی اسکرین سے غائب ہیں، اُن کی آخری فلم 2018 میں ریلیرز ہوئی تھی۔

واضح رہے کہ محب مرزا اور آمنہ شیخ نے ایک ساتھ کئی پراجیکٹس کیے، جن میں ڈرامہ ’ہم تم‘ اور ’میرا سائیں‘شامل ہیں جبکہ دونوں کوان کی فلم ’لمحہ‘ اور ’کیک‘ کی وجہ سے بھی یاد کیاجاتا ہے۔

ا