پاکستانی معروف اداکارہ میرا اورآمنہ الیاس کی فلم نے ایک اوراعزاز اپنے نام کرلیا۔

تفصیالت کے مطابق اداکارہ میرا، آمنہ الیاس اورعثمان خالد بٹ کی فلم ’’باجی‘‘ کو جہاں پاکستانی شائقینوں کی جانب سے اچھا ردعمل ملا، وہیں یہ فلم بین الاقوامی پلیٹ فارمزپر بھی بہت پسند کی جارہی ہے۔

 فلم ’’باجی‘‘ کی ٹیم نے انسٹاگرام پریہ خوشخبری مداحوں کے ساتھ شیئر کرتے ہوئے لکھا کہ فلم 16 نومبرکو وینکور انٹرنیشنل ساؤتھ ایشین فلم فیسٹیول میں نمائش کے لیے پیش کی جائے گی۔

اداکارہ میرا نے بھی یہ پوسٹ شیئر کرکے مداحوں کو بتایا کہ ان کی فلم بین الاقوامی فلم فیسٹیول میں پیش کی جائے گی۔

https://www.instagram.com/p/B4PH7qKh2L8/?utm_source=ig_web_copy_link

یاد رہے کہ دوماہ قبل فلم ’’باجی‘‘ کوموزیک انٹرنیشنل ساؤتھ ایشین فلم فیسٹیول میں نمائش کے لیے پیش کیا گیا تھا جہاں فلم دو ایوارڈز حاصل کرنے میں کامیاب ہوئی تھی۔

واضح رہے کہ ہدایت کار ثاقب ملک کی فلم ’’باجی‘‘میں اداکارہ میرا نے شمیرا کا مرکزی کردار ادا کیا تھا جب کہ ماڈل آمنہ الیاس، عثمان خالد بٹ اورعلی کاظمی نے ثانوی کردار اداکیے تھے جبکہ اسی فلم میں معاون اداکار کا ایوارڈ معروف اداکار نیئر اعجاز کے حصہ میں بھی آیا ہے ۔