پاکستانی اداکارہ و گلوکارہ  رابی پیرزادہ  نے لیکڈ  ویڈیو اسکینڈل پر جذباتی بیان جای کردیا۔

تفصیلات کے مطابق گزشتہ روز رابی پیرزادہ کی چند غیر اخلاقی ویڈیوز اور تصاویر  وائرل ہونے  کے بعد سے ان کے پرستاروں اور شوبز حلقوں کی جانب سے انہیں شدید تنقید کا نشانہ بنایا جا رہا ہے۔

اس حوالے سے رابی پیر زادہ کی جانب  سے باقاعدہ طور پر تو  کوئی رد عمل یا بیان سامنے نہیں  آیا تاہم آج سماجی رابطے کی ویب سائٹ ٹوئیٹر پر انہوں نے ایک مختصر پیغام جاری کیا ۔

جاری بیان میں اداکارہ و گلوکارہ رابی پیر زادہ نے کہا کہ ’جوبندہ دنیا میں کسی بندے کی پردہ پوشی کرے گا اللہ عزوجل قیامت کے دن اس کی پردہ پوشی فرمائے گا‘۔

Advertisement

#SaveaSoul
''جوبندہ دنیا میں کسی بندے کی پردہ پوشی کریگا اللہ عزوجل قیامت کے دن اس کی پردہ پوشی فرمائے گا۔''#RabiPeerzada

— Rabi Pirzada (@Rabipirzada) November 2, 2019

اداکارہ کی یہ ویڈیوز اور تصاویر کیسے اور کہاں سے لیک ہوئیں اس کی معلومات اب تک سامنے نہیں آسکی ہیں  ، لیکن سوشل میڈیا پر یہ افواہیں گردش کر رہی ہیں کہ اس کی وجہ حال ہی میں ان کی جانب سے کی گئی ایک ٹوئیٹ ہے۔

واضح رہے کہ رابی پیرزادہ کو اس سے قبل بھی سوشل میڈیا  پر اس وقت تنقید کا سامنا کرنا پڑا تھا جب انہوں نے انسٹاگرام پر ایک پوسٹ شئیر کی تھی جس میں خود کش حملہ آور کی جیکٹ پہنی ہوئی تھی  اورکیپشن میں بھارتی وزیر اعظم نریندر مودی پر خودکش دھماکے کی خواہش کا اظہار کیا تھا۔

اس تصویر کو شیئر کرتے ہوئے رابی پیرزادہ نے خود کو  کشمیر کی بیٹی اور مودی کو ہٹلر مخاطب کیا اور ساتھ ہی ان پر خودکش دھماکے کی خواہش کا اظہار کیا۔تاہم بعد میں اداکارہ نے پوسٹ ڈیلیٹ کردی تھی ۔