پاکستان کے گلوکارعاصم اظہر نے کنسرٹ کے دوران پڑنے والے جوتے کی وضحات پیش کر دی ۔

عاصم اظہر نے بتایا کے گزشتہ روز قبل ایک کنسرٹ میں اسٹیج پر کچھ مداحوں کے جانب سے کچھ پھینکا تھاجس کو بہت سے لوگوں نے یہ سمجھا کے یہ اُن پر جوتا پھینکا گیا ہے لیکن حقیتاً ایسا نہیں تھا بلکہ وہ ایک ٹوپی تھی۔

تفصیلات کے مطابق کنسرٹ میں گلوکارپرجوش اندازمیں پرفارم کررہے تھے کہ اچانک مداحوں میں سے کوئی ان پرجوتا پھینک دیتا ہے جس کے بعد وہ وڈیودیکھتے ہی دیکھتے ہی وائرل ہوجاتی ہے۔

گلوکار نے اپنے تصدیق شدہ انسٹاگرام اکاؤنٹ پر ’جوتا پڑ گیا، بس کردو‘ کے عنوان سے ایک ویڈیو بھی شیئر کی ہے۔

ویڈیو میں گلوکارعاصم اظہر کا کہنا تھا کہ کئی دنوں سے ویڈیو دیکھ رہا ہوں کہ جوتا پڑگیا جب تک بات مجھ پر تھی میں چپ تھا لیکن اب مداحوں کی بات ہے اور اس لڑکے کو گالیاں دی جا رہی ہیں جس نے جوتا نہیں بلکہ ٹوپی پھینکی تھی۔

عاصم اظہر نے بتایا کہ عموماً ایسا ہوتا ہے کہ مداحوں کے جانب سے دورانِ کنسرٹ کچھ پھینکا جاتا ہے جسے ہم تحفہ سمجھ کر رکھ لیتے ہیں ۔

 گلوکار نے گزشتہ روز قبل کنسڑٹ میں اکٹھی کی جانے والی چیزیں بھی دکھائیں۔

اپنی ویڈیو میں عاصم اظہر نے مداحوں  کی جانب سے ٹوپی کے علاوہ اسٹیج کی جانب اچھالی جانے والی انگوٹھی، گھڑی، ڈائری سمیت دیگر چیزیں دکھائیں اور مداحوں سے درخواست کی کہ عوام کو بُرا نہ کہیں بلکہ بُرا انہیں کہیں جو غلط خبریں پھیلاتے ہیں ۔

گلوکار نے کہا کہ مداحوں کے جانب سے جب پیار ملتا تو خوشی ہوتی اور اسی طرح انہیں ہم سے گلہ کرنے کا بھی حق سے اگر کبھی جوتا پڑ بھی گیا تو کوئی بات نہیں کیونکہ ہمیں پرستاروں کی وجہ سے ہی شہرت ملتی ہے۔

واضح رہے کہ گزشتہ دن ایک کنسرٹ کے دوران گلو کارعاصم اظہر پر کسی نے جوتا اچھال تھا۔

 حال ہی میں ایک کنسرٹ کے دوران عاصم اظہر جب اسٹیج پر کھڑے گانا گارہے تھے کہ کسی نے ان کی جانب جوتا اچھال دیا تھا لیکن بعد میں ان تمام تر خبروں کی تردید کر دی گئی۔

  نو جوانو ں کے پسندیدہ گلو کار عاصم اظہر آج کل لائیو کنسرٹ کرنے میں مصروف ہیں عاصم ان دنوں پاکستان سمیت ورلڈ وائڈ ٹور کر رہے ہیں ،اسلام آباد ، لاہور سمیت پنجاب کے مختلف شہروں اور پشاور میں شیڈول کانسرٹس کے علاوہ عاصم اظہر 9، 10 اور 16 نومبر کو بین الاقوامی سطح پر بھی پرفارم کرچکے ہیں۔