پاکستان کے اسٹیج، ٹی وی اور فلم کے مایہ نازاداکاراشرف راہی لاہور میں دل کا دورہ پڑنےسے انتقال کر گئے۔
اشرف راہی کےخاندانی ذرائع کے مطابق اداکارکو دل کا دورہ پڑنےپرلاہور کے پنجاب انسٹی ٹیوٹ آف کارڈیالوجی (پی آئی سی) منتقل کیا گیا تاہم وہ جانبر نہ ہو سکے۔
خاندانی ذرائع نے بتایاکہ اداکاراشرف راہی کی نماز جنازہ لال پل پنج پیرکےقریبی گراؤنڈ میں نماز ظہر کے بعد ادا کی جائے گی۔ مرحوم نے سوگواران میں تین بیٹے اور ایک بیٹی چھوڑی ہے۔
اشرف راہی نے درجنوں اسٹیج ڈراموں، ٹی وی اور فلموٕں میں کام کیا اور وہ مزاح میں اپنا منفرد مقام رکھتے تھے۔
اشرف راہی نے اسٹیج ڈراموں شرطیہ مٹھے، مس رانگ کال، منڈے نا سمجھو، ماہی مینوں چھلا پوا دے کے علاوہ پنڈ دی کڑی اور مجاجن جیسی فلموں میں سائیڈ رول ادا کیے۔
Advertisement
معروف بھارتی کامیڈین اسٹیج پر گر کر انتقال کر گئے
وزیراطلاعات پنجاب فیاض الحسن چوہان کی جانب سےمعروف اداکاراشرف راہی کے انتقال پراظہارِ افسوس کرتےہوئے کہاکہ اشرف راہی کا شمار اسٹیج، ٹی وی اورفلم کے منجھے ہوئے اداکاروں میں ہوتا تھا۔
فیاض الحسن چوہان کاکہناتھاکہ اللہ تعالیٰ مرحوم کو جنت میں اعلیٰ مقام عطا فرمائے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
کومنٹس کریں
Advertisement
