بھارتی فلم انڈسٹری سے تعلم رکھنے والے معروف اداکار جاوید جعفری کو مسلم مخالف قانون کی مخالفت کرنے پر ہندو انتہاپسندوں نے نشانے پر رکھ لیا جس پر جاوید جعفری نے بھی انہیں کرارا جواب دیا۔

جاوید جعفری کاشمار بالی ووڈ کے ان اداکاروں میں ہوتا ہے جنہوں نے مودی حکومت کی جانب سے نافذ کیے جانے والے مسلم مخالف شہریت کے متنازع قانون کے خلاف آواز اٹھائی اور کھل کر اس کے خلاف بیان دیا۔ بھارت میں شہریت کے متنازع قانون کواپوزیشن سمیت دیگر سماجی حلقوں کی جانب سے سخت مخالفت کا سامنا ہے جب کہ اس قانون کے خلاف احتجاج بھارت سے نکل کر یورپ تک پہنچ گیا ہے۔

Resolution moved in Europe against CAA https://t.co/3wKiCxvfra

— Jaaved Jaaferi (@jaavedjaaferi) January 26, 2020

حال ہی میں بالی ووڈ اداکار جاوید جعفری نے یورپ میں متنازع شہریت کے قانون کے خلاف ہونے والے احتجاج کی تصویر ٹوئٹر پر شیئر کرائی تاہم انتہا پسند ہندوؤں کو ان کا یہ اقدام ایک آنکھ نہیں بھایا اور سوشل میڈیا پر ان پر تنقید شروع ہوگئی، یہاں تک کہ ایک خاتون نے انہیں کہا کہ آپ یورپ کیوں نہیں چلے جاتے ہمیں اپنی قوم میں آپ جیسے غداروں کی ضرورت نہیں۔

YOUR nation ??? Kab kharida aapne ma’m ?? 😂
Last time I read the constitution it spoke of democracy, equality and right to dissent..
Wouldn’t know if you have made any changes privately though..kindly update

Advertisement

— Jaaved Jaaferi (@jaavedjaaferi) January 28, 2020

جاوید جعفری نے خاتون کو کرارا جواب دیتے ہوئے کہا آپ کی قوم؟ میڈم آپ نے کب خریدی؟ آخری بار جب میں نے آئین پڑھا تھا تواس میں جمہوریت، برابری اور اختلاف رائے کے حق کی بات کی گئی تھی۔ نہیں معلوم آپ نے نجی طور پر اس میں تبدیلیاں کردی ہوں۔

واضح رہے کہ اس سے قبل بھی جاوید جعفری کی مسلم مخالف قانون کے خلاف کی گئی تقریر سوشل میڈیا پر بہت وائرل ہوئی تھی جس میں انہوں نے کہا تھا ہندوستان کسی کےباپ کا نہیں ہے۔