بالی ووڈ کی جانب سے پاکستان کی نامور اداکارہ عائزہ خان کو فلم میں کاسٹ کرنےکی خواہش کا اظہار کر دیا گیا ۔

تفصیلات کے مطابق  انڈیا کے معروف ہدایت کار سنجے لیللا بھنسالی کی جانب سے پاکستان کی اداکارہ عائزہ خان کو پالی ووڈ کی فلم کی پیشکش کی گئی ہے۔

 اداکار و میزبان احسن خان نے شو کے دوران تصدیق کرتے ہوئے کہا کہ بالی ووڈ کے ہدایتکار سنجے لیلا بھنسالی کی جانب سے عائزہ خان کو فلم میں کاسٹ کرنے  کی خواہش کا اظہار کیا گیا ہے اور اس حوالے سے انہوں نے مجھ سے عائزہ سے متعلق بات بھی کی۔

پاکستان کی اداکار احسن خان نے اس حوالے سے بتایا کہ سنجے لیلا بھنسالی نے دورانِ پروگرام عائزہ خان کے لیے تعریف کے بول ادا کیے اور ساتھ ہی یہ کہا کہ عائزہ پاکستان کی خوبرو اداکاراؤں میں سے ایک ہیں۔

عائزہ خان بہترین اداکارہ ہونے کے ساتھ ساتھ بہترین ماں بھی

سنجے لیلا بھنسالی نے پاکستانی اداکاروں کے حوالے سے کہا کہ پاکستانی اداکارائیں جلدی شادی کر لیتی ہیں اس لئے اداکاراؤں کو کام کرنے میں مشکلات کا سامنا کرنا پڑتا ہے۔

بھارت کی فلم انڈسٹری کے معروف ہدایتکار سنجے لیلا سے قبل اداکارہ عائزہ کو انڈیا کی جانب سے فلم میں کام کرنے کی آفر امتیاز علی نے کی تھی۔

یاد رہے ان تمام پیشکش کے بعد عائزہ خان نے کہا کہ پہلے پاکستانی فلموں میں ڈیبیو کرنا چاہتی ہیں۔

واضح رہے اس وقت عائزہ خان پاکستانی ڈرامہ میرے پاس تم میں اداکاری کے جوہر دیکھا رہی ہے جو بہت مقبول ہو رہا ہے۔