اداکارہ ہانیہ عامر نے ٹک ٹاک کو لے کر اداکار فہد مصطفیٰ کو نصیحت کرنے پر طنز و تنقید کے گولے برسا دیئے ، ساتھ میں مرد فنکار کو چیلنج بھی کردیا۔

 تفصیلات کے مطابق اداکار و میزبان فہد مصطفی کو ٹک ٹاک پر تنقید کرنا مہنگا پڑ گیا، فہد مصطفی نے سماجی رابطے کی ویب سائٹ ٹوئٹر پر والدین کو نصیحت کرنے کی کوشش کی لیکن صارفین الٹا ان کے گلے پڑے گئے۔

فہد نے اپنی ٹویٹ میں نصیحت کرتے ہوئے لکھا کہ ”تمام والدین سے گزارش ہے کہ وہ اپنے بچوں کو ٹک ٹاک نامی بکواس سے دور رکھیں، یہ صحت مندانہ نہیں ہے اور پوری قوم کارِ بے کار میں مصروف ہے۔

To All the parents out there plz keep your kids away from this tik tok bullshit its not healthy. Entire nation is busy doing nothing .#DoSomethingProductive

Advertisement

— Fahad Mustafa (@fahadmustafa26) December 29, 2019

ہانیہ عامر خم ٹھونک کر میدان میں اتر گئیں، اداکار و میزبان فہد مصطفیٰ پر تنقید  تو کی ساتھ میں چیلنج بھی کردیا ہے۔

سوشل میڈیا پر اداکارہ ہانیہ کی ویڈیو زیر گردش ہے، جس میں وہ کہتی سنی جا سکتی ہیں کہ  وہ فہد مصطفیٰ کو مایوس کرنے میں کوئی کسر نہیں چھوڑیں گی۔

فہد مصطفیٰ  کو مفت مشورہ دینا مہنگا پڑ گیا

ہانیہ عامر نے بتایا کہ ویڈیو شیئرنگ ایپ ٹک ٹاک پران کا اکاؤنٹ موجود ہے لیکن انہوں نے صرف ایک ویڈیو اپ لوڈ کی ہے جس میں وہ پیانو بجا رہی ہیں لیکن اب وہ باقاعدگی سے ٹک ٹاک استعمال کریں گی کیونکہ انہیں لگتا ہے کہ یہ بہت مزیدار ایپ ہے۔

واضح رہے کہ اس سے قبل فہد کے یہ ٹویٹ کرنے کے بعد شیراز حسین نامی شخص نے جوابی ٹویٹ میں لکھا کہ ”ہاں اور جیتو پاکستان سے بھی اپنے بچوں کو دور رکھیں جس میں معمولی چیزوں کے لیے لوگوں کی تضحیک کی جاتی ہے۔“مظہر ارشد نے کہا کہ ”جیتو پاکستان میں تو کمپیوٹر کورس سکھاتے ہیں ناں۔“تمہارے شو پر تو کوانٹم فزکس کی کلاسز ہوتی ہیں ناں۔“صائمہ نامی لڑکی نے لکھا کہ ”پلیز اپنے اپنے فون سے ٹک ٹاک کی ایپلی کیشن ڈیلیٹ کر دیں اور ہرہفتے جیتو پاکستان دیکھا کریں۔ یہ بہت تعمیری شو ہے جس میں زندگی کے گُر سکھائے جاتے ہیں۔“