پاکستان کی نامور اداکارہ مہوش حیات کے بعد امریکی ہدایتکارہ اور پروڈیوسر سنتھیا ڈان رچی نے کراچی ایئرپورٹ  کی صورتحال پر آواز بلند کر لی ہے۔

تفصیلات کے مطابق  اداکارہ مہوش حیات اور بعدامریکی ہدایتکارہ اور پروڈیوسر سنتھیا ڈان رچی نے کراچی ایئرپورٹ کے واش روم میں گندگی کے حوالے سے اپنا تلخ تجربہ بیان کیا ہے۔

https://twitter.com/CynthiaDRitchie/status/1222934319435538433

 گزشتہ روزقبل مہوش حیات نے کراچی ایئرپورٹ کے واش روم میں گندگی، تعفن اور فرش پر گھومنے والے لال بیگوں پر انتظامیہ کو آڑے ہاتھوں  لے لیا تھا۔

اداکارہ ماہرہ خان زیادہ پُرکشش کیوں، مہوش حیات

مہوش حیات کی کراچی ایئرپورٹ کے واش روم میں گندگی کے حوالے سے آواز بلند کرنے پر سوشل میڈیا پر لوگوں نے نہ صرف مہوش حیات کو سراہا تھا بلک اس حوالے سے  اپنے ذاتی  تجربات بھی بیان کیے تھے۔

لیکن اب کراچی ایئرپورٹ کے واش روم میں گندگی پر امریکا کی فری لانس ہدایت کارہ، پروڈیوسر اور مصنفہ سنتھیا ڈان رچی نے بھی کراچی ایئرپورٹ پر ناخوشگوار تجربے کو بیان کر دیا  ہے۔

سنتھیا ڈان رچی نے  سماجی رابطے کی ویب سائٹ ٹوئیٹر پر پوسٹ کیا  کہ میں کراچی ایئرپورٹ کے حوالے سے مہوش حیات سے مکمل اتفاق کرتی ہوں۔

ا مریکی ہدایتکارہ اور پروڈیوسر  نے کہا کہ میں ابھی ایئرپورٹ سے واپس آئی ہوں اور وہ بہت گندا تھا یہاں تک کہ اسلام آباد ایئرپورٹ کا واش روم بھی بہت خراب حالت میں تھا۔

واضح رہے کہ سنتھیا نے اعلیٰ حکام سے گزارش کرتے ہوئے کہا حکام کو یہ یقینی بنانے کی ضرورت ہے کہ مقامی اور بین الاقوامی سیاحوں کے لئے تمام ایئرپورٹس  صاف ستھرے ہوں اور وہاں مناسب کام کیا جائے۔