پاکستان شوبز انڈسٹری کی سب سے زیادہ پسند کی جانے والی جوڑی حرا مانی نے سالگرہ کی تصاویر سوشل میڈیا پر شئیر کر دی۔

تفصیلات کے مطابق اداکارہ حرا نے بتایا کہ سالگرہ کے موقع پر ان کے شوہر مانی نے انہیں بہت قیمتی تحفہ دیا ہے۔

https://www.instagram.com/p/B9CrX30HxRw/?utm_source=ig_web_copy_link

اداکارہ نے سماجی رابطے کی ویب سائٹ انسٹاگرام پر شوہر کے ہمراہ ایک تصویر پوسٹ کی ہے جس میں وہ اپنی سالگرہ کا کیک کاٹ رہی ہیں۔

  تصویر میں دیکھا جاسکتا ہے کہ اُنہوں نے اپنے دونوں ہاتھوں میں گلاب اور چنبیلی کے پھولوں کے گجرے پہنے ہوئے ہیں۔

https://www.instagram.com/p/B9CrQONHYiv/?utm_source=ig_web_copy_link

اداکارہ حرا نے بتایا کہ مانی کی جانب سے دیے جانے والے یہ گلاب اور چنبیلی کے پھول ان کے لیے بہترین تحفہ ہے۔

گزشتہ روز قبل حرامانی نے ایک ویڈیو پوسٹ کی تھی جس میں انہوں نے بتایا تھا کہ اُن کی کامیابی اور شہرت کی وجہ اُن کے شوہر مانی ہیں۔

اداکارہ حرا مانی کے شوہر بھی اپنی اہلیہ کی صلاحیتوں کے گن گانے لگے

اداکارہ حرا مانی نے سماجی رابطے کی ویب سائٹ انسٹاگرام پر اپنی ایک ویڈیو شیئر کی تھی جس میں اُنہوں نے اپنے مداحوں کو اپنی کامیابی کی وجہ بتائی تھی۔

https://www.instagram.com/tv/B7Y8wymHm7n/?utm_source=ig_embed

یاد رہے کہ حرام ما نی نے شو بز انڈسٹری میں قدم رکھنے کے بعد  نہایت کم وقت میں شہرت حاصل کی جس کا تمام سہرا وہ اپنے اداکار شوہر مانی کو دے رہی ہیں۔

 حرا کے شوہر مانی کسی تعریف کے محتاج نہیں،وہ کئی سالوں سے اداکاری،کا میڈی،اسکرپٹ رائٹنگ،میزبانی اور منفرد ٹاک شوز کر کے مدا حوں سے داد وصول کر تے رہتے ہیں۔

اداکارہ حرا نے اپنی شئیر کی گئی ویڈیو میں مدا حوں کو بتایا تھا کہ آج سے گیارہ سال قبل میں صرف ایک عام سی لڑکی تھی اور میری شادی ایک مشہور شخصیت یعنی مانی سے ہوئی اور اُس وقت مجھے صرف مانی کی بیوی کی حیثیت سے جانا جاتا تھا۔

اداکارہ نے کہا کہ اُسی زمانے میں مجھے ایک شو کی آفر ہوئی تھی تو میں بہت ڈر گئی تھی اور سوچ میں پڑگئی تھی کہ میں یہ کر بھی پاؤں گی یا نہیں کیونکہ اُس وقت میرا بڑا بیٹا مزمل بھی تھا۔

حرا مانی نے مزید بتایا تھا کہ میں یہاں اپنے شوہر کی جتنی تعریف کروں اُتنی کم ہے کیونکہ مانی نے مجھے یقین دِلایا تھا کہ حرا کوئی بھی کام مشکل نہیں ہوتا ہےاور تم سب کر سکتی ہو۔

حرا نے کہا کہ مجھے آج جتنی بھی شہرت اور کامیابی ملی ہے وہ صرف اور صرف مانی کی وجہ سے ملی ہے،ہر مرد کے لیے یہ بہت ضروری ہے کہ وہ اپنی ماں، بہن اور بیوی میں یہ اعتماد پیدا کرے کہ ہاں وہ سب کچھ کر سکتی ہیں۔

حرا نے اپنی اس ویڈیو کے کیپشن میں لکھا کہ ’ہماری زندگی میں کسی بھی ایسے شخص کا ہونا بہت ضروری ہے جو ہماری صلاحیتوں کو، ہماری طاقت کو بڑھانے میں مدد کرے،انہوں نے مزید لکھا کہ میری زندگی میں ایسا شخص مانی ہے۔

  واضح رہے کہ اداکارہ حرا اکژ اپنے شوہر کے لیے محبت بھری پوسٹ شئیر کرتی رہتی ہیں۔