پاکستان کی معروف اداکارہ ماہرہ خان نے کورونا سے محفوظ رہنے کا حل بتا دیا۔

تفصیلات کے مطابق اداکارہ ماہرہ خان نے پوری دنیا میں تیزی سے پھیلنے والے کورونا وائرس سے بچاؤ کے 7 طریقے شیئر کردیے۔

اداکارہ نے سماجی رابطے کی ویب سائٹ ٹوئٹر پر عالمی ادارہ صحت کی جانب سے بتائی گئیں احتیاطی تدابیر شیئر کی ہے۔

ماہرہ خان نے شئیر کی جانے والی پوسٹ کی کیمشن میں لکھا کہ  اب کسی لاپرواہی کی کوئی گنجائش نہیں ہے۔

انہوں نے کہا کہ مکمل آگاہی اور احتیاط کرکے ہی ہم اس وائرس سے نمٹ سکتے ہیں۔

ماہرہ نے لکھا کہ اگر ہم سمجھداری سے اپنا کردار ادا کریں تو انشاءاللہ جلد ہی یہ کورونا وائرس ختم ہوجائے گا۔

اداکارہ نے جو ساتھ احتیاطی تدابیر ٹوئٹر پر شئیر کی وہ یہ ہیں۔

Let’s not be careless. We can really help the situation by being aware and taking care of simple things. Soon it’ll be over InshAllah and we all would have played our parts in making it better. pic.twitter.com/Y96alxA3EB

— Mahira Khan (@TheMahiraKhan) March 19, 2020

1: اپنے ہاتھ زیادہ سے زیادہ دھوئیں

2: آنکھوں ، ناک اور چہرے کے مختلف اعضاء کو چُھونے سے گریز کریں ۔

3:کھانستے وقت آس پاس کا خیال کریں اور رومال یا ٹشو کے استعمال کو یقینی بنائیں ۔

4: لوگوں کے بڑے اجتماعات میں جانے سے گریز کریں اور نزلہ زکام کا شکار افراد سے دور رہیں ۔

5: طبعیت میں خرابی کی صورت میں گھر میں رہنے کو ترجیح دیں۔

6: اگر آپ کو بخار، کھانسی اور سانس لینے میں دشواری کا سامنا ہے تو فوراً ڈاکٹر سے رجوع کریں ۔

7: باخبر زرائع کی معلومات پر یقین کریں ۔

اداکارہ ماہرہ خان کے اس ٹوئٹ پر ایک صارف نے کہا کہ آپ ان تمام معلومات کی ترسیل کے لیے ٹی وی جیسے میڈیم کا استعمال کریں کیونکہ پاکستان میں ٹوئٹر تک کم لوگوں کی رسائی ہے۔

Please connect to TV medium for connecting to masses. @TheMahiraKhan twitter is used rarely by people of all classes and more by bots.

— Gohar Liaqat (@GoharLiaquat) March 19, 2020

ٹوئٹر پر مداح کی جانب سے کیے جانے والے سوال پر اداکرہ نے جواب دیا کہ وہ ایسا ہی کچھ کرنے کا ارادہ رکھتی ہیں۔

We are in the process of doing that. InshAllah

— Mahira Khan (@TheMahiraKhan) March 19, 2020

واضح رہے کہ پاکستان میں کورونا وائرس سے 467 لوگ متاثر ہو گئے ہیں۔