دنیا بھر میں تیزی سے پھیلنے والی وبا کورونا وائرس کے بارے میں دنیا کے مقبول ترین کنگ آف پاپ مائیکل جیکسن اس وبا سے واقف تھے۔

تفصیلات کے مطابق کنگ آف پاپ مائیکل جیکسن کے ایک باڈی گارڈ نے یہ دعویٰ کیا ہے کہ مائیکل جیکسن آج سے 11 سال قبل ہی دنیا میں تیزی سے پھیلتے جان لیوا کورونا وائرس جیسے وبائی مرض سے آگاہ تھے۔

مائیکل جیکسن کے گارڈ نے بتایا کہ یہ ہی وجہ تھی کے 11 سال قبل بھی خود کو اس وائرس سے محفوظ رکھنے کے لیے ہر وقت ماسک پہنا کرتے تھے۔

غیر ملکی میڈیا سے بات کرتے ہوئے مائیکل جیکسن کے گارڈ میٹ فیڈز نے اس بات کا دعویٰ کیا ہے۔

میٹ فیڈز نے بتایا کہ مائیکل جیکسن اس بات سے آگاہ تھے کہ جلد یا بدیر ایک ایسا تیزی سے پھیلنے والا جراثیم وبائی مرض کی صورت اختیار کرکے دنیا کو اپنی لپیٹ میں لے گا۔

انہوں نے بتایا کہ مائیکل جیکسن نے بتایا تھا کہ ایک ایسا وائرس آئے گا جس کے سامنے دنیا والے بے بس ہوں گے۔

گارڈ نے یہ بھی انکشاف کیا کہ مائیکل جیکسن ہمیشہ ہمیں بھی قدرتی آفت کے بارے میں آگاہ کرتے رہتے تھے۔

یاد رہے کہ  مائیکل جیکسن ہمیشہ اپنے چہرے پر ماسک پہنے رکھتے تھے۔

مائیکل جیکسن سے جب ماسک اُتارنے کا کہا جاتا تھا تو جوب میں کہتے تھے کہ میں دن میں ہزاروں لوگوں سے ملتا ہوں، پتہ نہیں وہ مجھے کیا دے کر جائیں اور میں ابھی بیمار ہونا برداشت نہیں کرسکتا، مجھے صحت مند رہنا ہے تاکہ میں اپنے مداحوں کے لیے زیادہ سے زیادہ کام کر سکوں۔

دلچسپ بات یہ کہ مائیکل جیکسن کی خوائش تھی کہ 150سال تک زندہ رہے۔

مائیکل خود کو بیاماریوں سے محفوظ رکھنے کے لیے  رات کو آکسیجن ٹینٹ میں سوتے تھے، جراثیم، وائرس اور بیماریوں سے محفوظ رہنے کے لیے دستانے پہن کر لوگوں سے ہاتھ ملاتے تھے اور لوگوں میں جانے سے پہلے منہ پر ماسک چڑھا لیتے تھے۔

یاد رہے کہ ان کی خواراک زیادہ نہیں تھی وہ مخصوص خوراک کھاتے تھے اور انہوں نے مستقل طور پر دنیا کے بہترین 12ڈاکٹرز ملازم رکھے ہوئے تھے۔

واضح رہے کہ اتنی احتیاط کے باوجود مائیکل جیکسن کی 150 سال تک زنداہ رہنے کی خوائش پوری نا ہوسکی اور 50  سال کی عمر میں ہی اس جہانِ فانی سے کُوچ کرگئے۔