سابقہ گلوکارہ رابی پیرزادہ نے کہا کہ اگر ہم اللّہ تعالیٰ سے توبہ کریں تو بہتر ہوگا۔

تفصیلات کے مطابق  سعودی حکومت نے کورونا وائرس سے محفوظ رکھنے کے لیے حرم شریف میں طواف کا سلسلہ عارضی طور پر روک دیا تھا۔

https://twitter.com/Rabipirzada/status/1235562408979992576

گزشتہ روز سعودی حکومت کی جانب سے کیے جانے والے اس فیصلہ پر مکہ مکرمہ میں حرم شریف کے صحن میں طواف رُک گیا تھا تاہم بالائی منزلوں پر طواف جاری رکھا گیا تھا۔

رابی پیر زادہ نے سماجی رابطے کی ویب سائٹ ٹوئٹر پر حرم شریف میں طواف رُکنے کی ویڈیو شیئر کی جس کی کیمشن میں لکھا کہ ’اِس وقت ہم خلیل الرحمان اور ماروی سرمد پر جنگ لڑنے اور میرا جسم میری مرضی جیسے بیہودہ پیغام پر بحث کرنے کے بجائے اگر اللّہ تعالیٰ سے توبہ کریں تو بہت اچھا ہوگا۔

رابی پیر زادہ نے کہا کہ اللّہ کے عذاب سے ڈرو، خدارا مجھ گناہ گار کی بات ہی سُن لیں۔

رابی نے کہا کہ  ٓج ہمیں اللّہ تعالیٰ کے گھر جانے سےمحروم کردیا گیا ہے۔

https://twitter.com/Rabipirzada/status/1235562408979992576

رابی پیرزادہ نے اپنے ایک اور ٹوئٹ میں بھی حرم شریف میں طواف روکنے کے حوالے سے لکھا کہ ’کورونا وائرس کے باعث صفائی کے لیے حرم شریف کو 3 گھنٹوں کے لیے بند کردیا گیا ہے۔‘

واضح رہےکہ اِس سے قبل سعودی وزارت داخلہ نے گزشتہ روز اپنے شہریوں اور مملکت میں مقیم غیر ملکیوں کے بھی عمرہ ادا کرنے اور روضہ رسول ﷺ کی زیارت پر پابندی عائد کردی تھی۔