سوشل میڈیا پر وائرل  ہونے والی ایک تصویر میں دیکھا جا سکتا ہے کہ ماروی  سرمد ایک بندوق لئے کھڑی ہیں۔ صارفین  یہ سوچنے  پر مجبور ہو گئے ہیں کہ یہ ہتھیار کیوں اٹھایا۔

  خیال رہے نجی ٹی وی پر ایک  پروگرام کےدوران بات اس  وقت بگڑی جب عورت مارچ کےحوالےسے ایک سوال کا جواب دیتے ہوئے خلیل الرحمٰن قمرنےکہا کہ ’اگر عدالت نے ’میرا جسم میری مرضی‘ جیسے ’غلیظ اور گھٹیا‘ نعروں پر پابندی لگا دی ہے تو جب میں ماروی سرمد صاحبہ کویہ جملہ بولتےسنتاہوں تومیراکلیجہ ہلتاہے۔‘

جس کےجواب میں ماروی سرمد نے اس نعرے کو دہرا دیا جس  پر   خلیل الرحمن قمر غصے  میں  آگ  آگئے   اور سخت لہجے میں انھیں خاموش رہنے اور اپنی باری پر بولنے کے بارے میں کہنے لگے۔

تقریباً دومنٹ تک جاری رہنے  والی گفتگو کے دوران خلیل الرحمن قمرکی جانب سے نازیبا جملوں کا استعمال بھی  ہوا۔ پروگرام کا کلپ سوشل  میڈیاپر وائرل  ہونےکے بعدسوشل  میڈیاپر نئی بحث چِھڑ  گئی تھی۔ بیشتر  صارفین نے خلیل الرحمٰن  سے معافی کا مطالبہ بھی  کیا ۔

سوشل میڈ یا پر ہونے والی تنقید کا جواب دیتے ہوئے خلیل الرحمٰن  نے لکھا ہے کہ ’میرا جسم میری مرضی والی خواتین خود تو ملک سے باہر رہتی ہیں اور پاکستان کو تباہ کرنے کے لیے نت نئے طریقے سامنے لے آتی ہیں۔

  بول نیوز کے پروگرام میں ایسے نہیں چلے گا کی میزبان فضا ٫  اکبر خان   نے خلیل الرحمٰن کو بطور مہمان مدعو کیا اور ساتھ ہی گیم شو کے میزبان وقار ذکاء اور اور سماجی کارکن منیب قادر کو بھی پروگرام میں مدعو کیا۔

پروگرام ایسے نہیں چلے گا میں ڈاکٹر فضا علی نے خلیل الرحمٰن سے ماروی سرمد سے معافی کا سوال کیا جس پر خلیل نے ماروی سرمد سے معافی مانگنے سے انکار کیا اور کہا، اگر وہ مجھ سے شٹ اپ کال دینے سے معذرت کرتی ہے تو، میں بھی معافی کی درخواست کروں گا۔