گزشتہ دو روز سے خلیل الرحمن قمر اور سماجی کارکن ماروی سرمد کے درمیان ٹاک شو میں ہوئی لفظی جنگ کو لے کر سوشل میڈیا پر کافی واویلا مچا ہوا ہے۔ خلیل الرحمان قمر کا نام گزشتہ دوروز سے ٹوئٹر پر ٹاپ ٹرینڈ بناہوا ہے۔

 سماجی کارکن اور ڈرامہ نویس کے درمیان تنازع عورت مارچ میں لگائے جانے والے مشہور نعرے “میرا جسم میری مرضی” پر شروع ہوا جو کہ دو روز سے سوشل میڈیا پر ٹاپ ٹرینڈ بنا ہوا ہے۔

رابی پیرزادہ نے خلیل الرحمان قمر اورسماجی کارکن ماروی سرمد کے تنازع  اور ’’میرا جسم میری مرضی‘‘کے نعرے پر کہا ہے ’’میرا جسم میرے اللہ کی مرضی‘‘۔

میراجسم میرے اللہ کی مرضی”
یہ میں نے نہ صرف کہا بلکہ کر کہ دکھایا۔ دولت ، شہرت، پیسہ سب چھوڑ دیا، کیوں؟ کیونکہ اللہ راضی تو آخرت جنت۔ مگر خلیل صاحب ، ایک مرد عورت کو گالیاں دیتے اچھا نئیں لگتا۔ وہ مرد نہیں ہے۔ اور جو عورت اپنے جسم کو اللہ کی مرضی سے آذار کر دے وہ عورت نہیں ہے۔ pic.twitter.com/vhxaH502Wl

Advertisement

— Rabi Pirzada (@Rabipirzada) March 4, 2020

ماروی سرمد اور خلیل الرحمن قمر کے درمیان تنازع کو لیکر رابی پیرزادہ نے اپنے خیالات کا اظہار کرتے ہوئے اپنے ٹویٹر پیغام میں کہا کہ “میرا جسم میرے اللہ کی مرضی‘‘ یہ میں نے نہ صرف کہا بلکہ کرکے دکھایا۔ دولت، شہرت، پیسہ سب چھوڑدیا کیونکہ اللہ راضی تو آخرت جنت۔

 مگر خلیل صاحب ایک مرد عورت کو گالیاں دیتے اچھا نہیں لگتا وہ مرد نہیں ہے۔ اورجو عورت اپنے جسم کو اللہ کی مرضی سے آزاد کردے وہ عورت نہیں ہے۔ ‘‘

میراجسم میری مرضی، خلیل الرحمن قمراور ماروی سرمد آمنے سامنے

اپنے ٹوئٹر پیغام پر رابی پیرزادہ نے پیغام شیئر کرتے ہوئے کچھ تصاویر بھی شئیر کیں جس میں انہوں نے ماضی اور آج گزارنے والی زندگی کا موازنہ کیا۔

شیئر کی گئی تصاویر میں جہاں رابی پیرزادہ ماضی کی تصاویر میں کافی ماڈرن نظر آرہی ہیں تو وہیں دوسری طرف حال ہی کی لی ہوئی تصویر میں سر پر دوپٹہ لیے بھی نظر آ رہی ہیں۔

واضح رہے کہ گزشتہ برس کے آخر میں رابی پیرزادہ کی کچھ نجی تصاویر اور ویڈیوز لیک ہونے کے بعد انہوں نے خدا سے معافی مانگتے ہوئے اپنی باقی زندگی اسلام کے مطابق گزارنے کا فیصلہ کیا تھا۔