دنیا بھر کا سب سے بڑا نامور فلم فیسٹیول ‘کانز’ کو اعزاز سے پہلے ہی شکست مل گئی۔

تفصیلات کے مطابق کانز فیسٹیول کے منتظمین نے ایک بیان میں بتایا کہ اس فیسٹیول کو جون یا جولائی میں منعقد کرنے کا آپشن بھی ممکن نہیں ہوسکے گا۔

کچھ دنوں قبل ان کی جانب کانز فیسٹیول کے منتظمین نے یہ بیان جاری کیا گیا تھا کہ کانز فیسٹیول کو جون یا جولائی میں منعقد کیا جائے گا تاہم اب ایسا نہیں ہے۔

یاد رہے کہ پوری دنیا کورونا وائرس کی وجہ سے اپنے گھروں تک محدود ہے اور لاک ڈاون مختلف ممالک میں نافز ہے جس کی وجہ سے مختلف سرگرمیاں جاری نہیں ہیں۔

فرانس میں بھی اس وقت لاک ڈاؤن نافذ ہے جبکہ حکومت نے رواں ہفتے لاک ڈاؤن میں مزید توسیع کا بھی اعلان کردیا۔

کانز فیسٹیول سال 2020 میں مئی میں سجنا تھا لیکن کورونا وائرس کی وجہ سے اسے مؤخر کردیا گیا تھا۔

گزشتہ دنوں کانز کے صدر پیئرس لیسکیور کافی حد تک پرامید تھے انہوں نے کہا تھا کہ مارچ کے آخر تک کورونا کا خاتمہ ہو جائے گا تاہم ایسا ہوا نہیں ہے۔

انتظامیہ کے مطابق اگر فیسٹیول تاخیر سے بھی منعقد کیا گیا تو وہ ہر سال کی طرح نہیں ہوگا۔

انہوں نے بتایا کہ اس بار فیسٹیول کو مختصر یا محدود کیا جا سکتا ہے۔

واضح رہے کہ فلحال کانز فلم فیسٹیول کی تاریخ نہیں بتائی گئی ہے۔