ڈرامے’ارطغرل غازی‘ کے حوالے سے سوشل میڈیا پر ایک نئی بحث چل رہی ہے اس ہی حوالے سے فیشن جرنلسٹ ملیحہ رحمان نے بھی ایک پیغام جاری کر دیا ہے۔

تفصیلات کے مطابق ملیحہ رحمان نے سماجی رابطے کی ویب سائٹ انسٹاگرام پر ایک طویل پیغام پوسٹ کیا ہے۔

https://www.instagram.com/p/CAVndrHglTH/?utm_source=ig_web_copy_link

فیشن جرنلسٹ نے کہا کہ اگر ترکش ڈرامے سرکاری ٹی وی پر نشر کیے جائیں گے تو ہمارے فنکاروں کا کیا ہوگا؟

یاد رہے کہ وزیر اعظم عمران خان کی خواہش پر نشر کیے جانے والے ترک ڈرامے’ارطغرل غازی‘ پر بہت سے اداکار خوش تو بہت سے ناخوش نظر آرہے ہیں۔

ملیحہ رحمان نے پیغام میں کہا ہے کہ اگر آپ انسٹاگرام پر ارطغرل کے حوالے سے ہونے والی بحث کہ (ارطغرل کو سرکاری ٹی وی پر نشر کیا جانا چاہیے یا نہیں) کے بارے میں نہیں جانتے تو اب جان جائیے۔

ملیحہ رحمان نے کہا کہ نامور اداکار شان شاہد ارطغرل کے بارے میں کہتے ہیں کہ سرکاری چینل جو کہ ہمارے ٹیکس کے پیسوں سے چل رہا ہے اس پر غیر ملکی ڈرامے نہیں بلکہ مقامی ڈرامے نشر کیے جانے کی ضرورت ہے۔

جبکہ اداکار یاسر حسین نے بھی ’ارطغرل غازی‘ کی مخالفت کی ہے اور کہا کہ ترکش اداکاروں اور ڈراموں نے پی ٹی وی پر نشر کیے جانے والے پاکستانی ڈراموں کا وقت لے لیا ہے۔

یاسر نے مزید کہا کہ ترک ڈارمہ سے ہمارے مقامی فنکاروں کی آمدنی میں کمی ہوگئی ہے۔

دوسری جانب اداکارہ منشا پاشا نے ترک ڈرامے کی حمایت کہ اور کہا کہ پاکستانی ڈرامے غیر ملکی ڈراموں کی طرح شاندار اس لیے نہیں ہوتے کیونکہ ہمارے پروڈیوسرز کو حکومت سپورٹ نہیں کرتی۔

انہوں نے کہا کہ بہترین ڈرامے بنانے کے لیے حکومت کی مدد ضروری ہے۔

اس کے علاوہ اداکارعثمان خالد بٹ کا کہنا تھا کہ پاکستان میں جو ترکش ڈرامے نشر کیے جارہے ہیں اس سے مقامی ڈبنگ فنکاروں کی آمدنی میں اضافہ ہوگااور اُمید ہے کہ اس ڈرامے کی نشریات سے حاصل ہونے والی رقم ارطغرل جیسے پاکستانی ڈرامے بنانے کے لیے استعمال کی جائے۔

ملیحہ رحمان نےاپنی پوسٹ کے آخر میں لکھا کہ مجھے نہیں لگتا یہ بحث یہاں ختم ہوگئی ہے۔

ملیحہ رحمان نےاپنی پوسٹ میں اس ابت کی وجاحت دی کہ پاکستان میں ارطغرل غازی نے یوٹیوب پر تمام ریکارڈز توڑ دیے ہیں، اور سب سے زیادہ دیکھے جانے والا ڈرامہ بن گیا ہے۔

ملیحہ رحمان نےاختتام میں مزاح اناداز اختیار کرتے ہوئے کہا کہ میں مستقبل میں ارطغرل غازی کی ہیروئن حلیمہ سلطان کو ہمارے صابن ، کپڑوں اور شیمپو کے اشتہارات میں بھی دیکھ رہی ہوں؟

واضح رہے کہ ترک ڈرامہ’ارطغرل غازی‘ ایک لمبی بحث ہے اب دیکھنا یہ ہے کہ یہ بحث کہاں جا کے اپنے سفر کا اختتام کرئے گی۔