پاکستان کے لیجنڈ گلوکار عالمگیر نے گردے کے ٹرانسپلانٹ کے بعد مداحوں کو اپنی صحت کے حوالےسے آگاہ کر دیا۔

تفصیلات کے مطابقلیجنڈ گلوکار عالمگیر کا کہنا ہے کہ گردے کے کامیاب ٹرانسپلانٹ کے بعد اب طبیعت تیزی سے سنبھل رہی ہے۔

مزید پڑھیں

شاہد کپور نے مداحوں کو بڑی خوشخبری سُنادی

بالی ووڈ فلم انڈسٹری کے مشہور و معروف اداکار شاہد کپور نے...

گلوکار عالمگیر کے گردے کا کامیاب ٹرانسپلانٹ

پاکستان کے لیجنڈ گلوکار عالمگیر نے گردے کا کامیاب ٹرانسپلانٹ کروالیا۔ تفصیلات...

ایک پروگرام میں گفتگو کرتے ہوئے عالمگیر کا کہنا تھا کہ  کامیاب آپریشن کے بعد اب میر طبیعت تیزی سے سنبھل رہی ہے۔

یاد رہے کہ گلوکار عالمگیر نے اپنے سوشل میڈیا پیغام میں گردے کے ٹرانسپلانٹ کے بعد کی ایک تصویر شیئر کی ہے۔

گلوکار عالمگیر کی جانب سے پوسٹ کی جانے والی تصویر میں انہوں نے بتایا تھا کہ ان کے گردے کا ٹرانسپلانٹ کامیابی سے ہوگیا ہے جبکہ لیجنڈ گلوکار نے مداحوں کی دعاؤں اور بھرپور حمایت کا شکریہ بھی ادا کیا تھا۔

خیال رہے کہ عالمگیر میں 2004 میں گردوں کی بیماری کی تشخیص ہوئی تھی اور ان کے گردے تقریبا ناکارہ ہوگئے تھے جس کے باعث وہ  کئی سال سے ڈائلاسز کے سہارے چل رہے تھے۔

دوسری جانب ڈاکٹرز نے انہیں ایک دہائی قبل ہی گردوں کے ٹرانسپلانٹ کا مشورہ دیا تھا مگر انہیں ان کے گروپ کے گردے نہیں مل رہے تھے۔

عالمگیر بیماری کے باعث ڈیڑھ دہائی قبل ہی امریکی ریاست جارجیا کے شہر ایٹلانٹا میں اہل خانہ کے پاس چلے گئے تھے اور ان کے ڈائلاسز سمیت دیگر علاج وہیں پر ہو رہا تھا۔

ڈھاکہ کے شانتی نگر میں پیدا ہونے والے 60 سالہ عالمگیر آل انڈیا مسلم کے رہنما فوادالحق کے صاحبزادے ہیں۔

دوسری جانب15 سال کی عمر میں پاکستان آ کر انہوں نے بطور سنگر اپنے کیریئر کا آغاز کیا پاکستان میں پاپ موسیقی کے بانیوں میں انکا شمار ہوتا ہے۔

واضح رہے کہ عالمگیر نے پاکستان کی سب سے زیادہ سنیما گھروں میں نمائش ہونے والی ندیم اور شبنم کی سپر ہٹ فلم ’آئینہ‘ کے لیے گیت گائے تھے۔