پاکستان شوبز انڈسٹری کی جڑواں بہنوں کی جوڑی ایمن خان اور منال خان کی ہے۔

ایمن خان اور منال خان نے پہلی مرتبہ اپنی سالگرہ ایک ساتھ نہیں منائی، اس کی وجہ یہ ہے کہ ایمن آج کل ترکی میں ہیں جبکہ منال یہیں پاکستان میں ہیں۔

مزید پڑھیں

ایمن خان نے استنبول کو ایک خاص شہر قرار دے دیا

پاکستانی اداکارہ ایمن خان نے استنبول کو ایک خاص شہر قرار دے...

اداکارہ ایمن خان نےاپنی سالگرہ کے موقع پر اپنی جڑواں بہن منال خان کے لیے تصویر اور ویڈیو شیئرنگ ایپ انسٹاگرام پر ایک پوسٹ جاری کی ہے۔

اداکارہ ایمن خان کی جانب سے پوسٹ کی جانے والی تصویر میں اداکارہ نے اپنی اور منال کی ایک خوبصورت فوٹو شیئر کی ہے۔

ایمن خان نے تصویر کی کیپشن میں لکھا ہے کہ ’سالگرہ مبارک ہو میری روح کی ساتھی، میں تمہیں بہت یاد کررہی ہوں۔‘

اداکارہ نے اپنے انسٹاگرام اکاؤنٹ پر یہ پوسٹ 11 گھنٹے قبل شیئر کی تھی جسے اب تک تقریباً ایک لاکھ 30 ہزار مداح لائیک کرچکے ہیں۔

جبکہ اُن کی اس پوسٹ پر صارفین کی جانب سےدونوں بہنوں کو سالگرہ کی مبارک باد بھی دی جارہی ہے۔

علاوہ ازیں ایمن خان نے اپنے انسٹاگرام اکاؤنٹ پر ایک اور پوسٹ جاری کی ہے جس میں وہ اپنے شوہر اداکار منیب بٹ کے ساتھ ترکی میں موجود ہیں۔

دوسری جانب ایمن اور منال کی بہترین دوست اور اداکارہ کنزہ ہاشمی نے بھی اپنے انسٹاگرام اکاؤنٹ پر ایک ویڈیو اور کچھ تصاویر شیئر کی ہیں جن میں وہ اپنی دیگر دوستوں کے ہمراہ منال خان کی سالگرہ مناتی دکھائی دے رہی ہیں۔

اداکارہ کنزہ ہاشمی نے منال خان کو سالگرہ کی مبارک باد دی اور مزید لکھا کہ انہوں نے ایمن خان کو اس موقع پر بہت یاد کیا۔