ملیالم فلموں کے معروف بھارتی اداکار ڈیم میں ڈوب کر ہلاک ہوگئے۔
تفصیلات کے مطابق 48 سالہ اداکار انیل نیڈو منگڈ فلم کی شوٹنگ کے لیے کیرالہ گئے تھے جہاں وہ ڈیم میں ڈوب کر ہلاک ہوگئے۔
بھارتی میڈیا کی رپورٹ کے مطابق انیل فلم کی شوٹنگ کے لیے کیرالہ کے علاقے تھوڈو پوزہ میں واقع ڈیم ملنکارا گئے تھے جہاں شوٹنگ کے بعد دوستوں کے ہمراہ نہانے گئے۔
ڈیم میں نہاتے ہوئے آنجہانی اداکار انیل گہرے پانی میں چلے گئے اور پھر واپس نہ آسکے ۔بعد ازاں غوطہ خوروں کی مدد سے 30 منٹ بعد ان کی لاش نکالی گئی۔
انیل نیڈو منگڈ نے اپنے شوبز کیریئر کا آغاز تھیٹر سے کیا تھا جس کے بعد وہ ٹی وی اینکر بن گئے تھے۔ کچھ عرصہ بعد وہ فلموں میں جلوہ گر ہونے لگے۔
Advertisement
انیل نیڈو منگڈ کا شمار فلم نگری کے باصلاحیت اداکاروں میں ہوتا تھا اور وہ کئی فلموں میں اداکاری کے جوہر دکھا چکے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
