بالی ووڈ کے ایک اور اداکار نے خودکشی کرلی

ویب ڈیسک

16th Feb, 2021. 04:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بالی ووڈ کے ایک اور اداکار نے خودکشی کرلی

بالی ووڈ اداکاروں میں خودکشی کا رجحان خطرناک حد تک بڑھتا جارہا ہے۔

بھارتی میڈیا کی رپورٹس کے مطابق آنجہانی اداکار سوشانت سنگھ راجپوت کے ساتھ فلم ’دھونی‘میں کردار نبھانے والے سندیپ نہر نے بھی خود کشی کر لی ہے۔

اداکار سندیپ نہر کی لاش ممبئی میں واقع ان کے گھر سے ملی ہے۔

ابتدائی طور پر سندیپ نہر کی موت کو خودکشی ہی قرار دیا جارہاہے تاہم پولیس نے مقدمہ درج کر کے تفتیش شروع کر دی ہے۔

اداکار کے قریب ساتھیوں کے مطابق وہ کچھ عرصے سے ذہنی تناؤکا شکار تھے۔

اپنی موت سے قبل سندیپ نہر نے اس حوالے سے ایک ویڈیو بھی جاری کی جس میں انہوں نے گھریلو الجھنوں، پروفیشنل مسائل سمیت دیگر کا ذکر کیا ہے ۔

سندیپ نہر نے ویڈیو پیغام میں اپنی اہلیہ سے متعلق کہا کہ انہیں قتل کا ذمہ دار نہ ٹھہرایا جائے۔

یاد رہے کہ فلم دھونی میں مرکزی کردار اداکرنے والے بالی وڈ کے معروف اداکار سوشانت سنگھ راجپوت نے بھی گذشتہ برس خود کشی کر لی تھی۔