پاکستان شوبز انڈسٹری کی معروف اداکارہ و میزبان جگن کاظم نے حال ہی میں دوران بچے کی پیدائش کے بعد بڑھنے والے وزن اور جسامت پر کی جانے والی تنقید سے متعلق گفتگو کی۔

اداکارہ جگن کاظم نے کہا کہ بچے کی پیدائش کے بعد میں خطرناک حد تک پوسٹ پارٹم ڈپریشن کا شکار ہوگئی تھی۔

مزید پڑھیں

جگن کاظم کے گھرننھی پری کی آمد

پاکستان شوبز انڈسٹری کی با صلاحیت اداکارہ و میزبان جگن کاظم کے...

انہوں نے بتایا کہ اس ڈپریشن کے دوران جب بار با ر موٹاپے کا احساس دلایا جاتا تو میرا دل کرتا تھا کہ زمین پھٹے اور میں اس میں گر جاؤں۔

اداکارہ نے بتایا کہ میں آج کل  کاندھے جھکا کر چلتی ہوں تاکہ کسی کی  جسامت پر نظر نہ پڑے۔

جگن نے دوران گفتگو ناقدین سے مخاطب ہوتے ہوئے کہا کہ خدارا میری جان چھوڑدو، میرا وزن کم ہورہا ہے یا نہیں یا ہوجائے گا، وزن کم نہیں ہوا تو نہیں ہوا۔

اس حوالے سے جگن کاظم کا کہنا تھا کہ پہلے بچے کی پیدائش کے بعد میرے وزن میں 30 کلو کا اضافہ ہوگیا تھا۔

اداکارہ نے بتایا کہ جسامت اور وزن سے متعلق تنقید سن کر خاصی پریشان ہوگئی تھی، تنہائی میں روتی تھی اور سوچتی تھی کہ کہیں بچہ پیدا کرکے کوئی غلطی تو نہیں کی۔

واضح رہے کہ جگن  کاظم پہلی شادی ناکام ہونے کے بعد 27 جون 2013 کو رشتہ ازدواج میں منسلک ہوئیں، ان کے دو بیٹے اور ایک بیٹی  ہے۔