ایسا کیا ہوا کہ دولہا نے سالی سے شادی کرلی

ویب ڈیسک

12th Jun, 2021. 08:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایسا کیا ہوا کہ دولہا نے سالی سے شادی کرلی

شادی والے دن ایسا کیا ہوا کہ دولہے کو سالی سے شادی کرنی پڑ گئی ، ایسے واقعات تو اکثر وبیشتر دیکھنے میں آتے ہیں جہاں دولہا بیوی کے انتقال کے کچھ عرصے بعد سالی سے شادی کر لیتا ہے لیکن بھارت میں ایسا عجیب وغریب واقعہ پہلی دفعہ پیش آیا۔

غیر ملکی میڈیا رپورٹ کے مطابق یہ واقعہ بھارتی ریاست اتر پردیش میں پیش آیا ,جہاں کم عمر دلہن اپنی شادی کی رسم پھیروں سے قبل بے ہوش ہوکر گر پڑی۔

میڈیا رپورٹس کے مطابق شادی میں شریک خاتون نے بتایا کہ دلہن شادی کے روز بہتر محسوس نہیں کررہی تھی اور بے ہوش ہونے پر ایمبولنس کو بلایا گیا تو پیرامیڈیکس نے دلہن کی موت کی تصدیق کردی۔

مہمانوں کو لگا کہ دلہن کے انتقال کے بعد اب شادی کی تقریب منسوخ کردی جائے گی تاہم ایسا نہیں ہوا۔

اس موقع پردولہا منجیش کے گھر والوں نے لڑکی کے گھر والوں سے بات چیت کر کے متبادل حل تلاش کیا، اور اس دوران دولہے کو اس کی ہونے والی سالی سے شادی کا مشورہ دیا گیا ،جسے دلہن کے گھر والوں نے مان لیا اور پھر دونوں کی شادی کرادی گئی۔

میڈیا رپورٹس کے مطابق دلہن کے بھائی کا کہنا تھا کہ یہ ہمارے لئے ایک عجیب صورتحال تھی کہ میری ایک بہن کی میت ایک کمرے میں پڑی تھی اور دوسرے کمرے میں دوسری بہن کی شادی ہورہی تھی۔