پاکستانی اداکارہ کنزہ ہاشمی نے اداکار یاسر حسین کو ایک اہم مشورہ دے دیا ہے۔

تفصیلات کے مطابق اداکار یاسر حسین اکثر سوشل میڈیا پر اپنے متنازع بیانات کی وجہ سے تنقید کا نشانہ بنتے رہتے ہیں، انہیں کنزہ ہاشمی نے انسٹاگرام پر کچھ بھی لکھنے سے گریز کرنے کا مشورہ دیا ہے۔

[amazonad category=”Auto”]

اداکارہ کنزہ ہاشمی نے نجی ٹی وی شو میں بطور مہمان شرکت کی، جس میں کنزہ ہاشمی کو کچھ مشہور شخصیات بن کر جواب دینے تھے شو کی میزبان نے پوچھا کہ مثال کے طور پر آپ ایک صبح اقراء عزیز بن کر اٹھیں تو آپ کیا کریں گی۔

اس پر کنزہ ہاشمی نے جواب دیتے ہوئے کہا کہ پھر وہ یاسر حسین کو کہیں گی کہ وہ انسٹاگرام پر کچھ نہ لکھیں۔

بطور عمران اشرف جاگنے سے متعلق اداکارہ کا کہنا تھا کہ وہ زیادہ انٹرویوز دیں گی کیوں کہ عمران اشرف بہت اچھی باتیں کرتے ہیں۔

اداکارہ کنزہ ہاشمی کا بطور عاطف اسلم جاگنے سے متعلق کہنا تھا کہ وہ ایک نیا گانا ریکارڈ کریں گی اور پھر ایک لائیو سیشن کریں گی اس میں وہ گانا گائیں گی۔