چینی خاتون کی 8 انچ طویل پلکیں توجہ کا مرکز بن گئیں

کلثوم ہرا

12th Jun, 2021. 07:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چینی خاتون کی 8 انچ طویل پلکیں توجہ کا مرکز بن گئیں

بیجنگ سے تعلق رکھنے والی چینی خاتون کی دیدہ زیب اور طویل پلکیں ہر ایک کی توجہ کا مرکز بن گئیں ہیں۔

گنیز بک آف ورلڈ ریکارڈ کے مطابق ان کی بعض پلکیں 8 انچ تک طویل ہیں، جن کا وہ بھرپور خیال بھی رکھتی ہیں۔

ان خاتون کا نام یون جیانژیا ہے، انہوں نے اس کی جینیاتی وجہ جاننے کی بھی کوشش کی ہے لیکن ان کے خاندان میں کوئی ایسا نہیں جس کی پلکیں اتنی بڑی ہوں، اس لئے وراثتی طبی عوامل کا سوال ہی پیدا نہیں ہوتا۔

سب سے پہلے جون 2016 میں یون جیانژیا نے اپنا ریکارڈ قائم کیا تھا اور اس وقت ان کی پلکوں کی اوسط لمبائی 4.88 انچ تھی ،جب وہ ڈاکٹر کے پاس گئی تو بہت غور کے بعد ان کی پلکوں میں غیرمعمولی اضافہ تو نوٹ کیا گیا لیکن بہت تحقیق کے بعد بھی اس کی وجہ بیان نہیں کر سکے۔

چینی خاتون کا کہنا تھا کہ 2015 میں پہلی مرتبہ مجھے معلوم ہوا کہ میری پلکیں بڑھ رہی ہیں، اگرچہ ان کے بڑھنے کی رفتار سست تھی لیکن وہ طویل سے طویل تر ہوتی گئیں۔

واضح رہے کہ ان کی الٹی آنکھ کے اوپر کی پلک کو جب ناپا گیا تو وہ 8 انچ طویل نکلی اور یوں انہوں نے گنیز بک آف ورلڈ ریکارڈ کا اعزاز اپنے نام کرلیا ۔