پاکستانی ڈرامہ انڈسٹری کی بہترین اور قابل اداکارہ صبا قمر کسی تعریف کی محتاج نہیں ہیں وہ اپنے کام اور بہترین اداکاری سے جانی جاتی ہیں۔

 اداکارہ صرف چند پراجیکٹس پر ہی کام کرنا پسند کرتی ہیں اور اسی طرح وہ اپنی ڈریسنگ کے حوالے سے بھی بہت سلیکٹو رہتی ہیں۔

صبا قمر  پاکستان کے کئی ڈراموں اور اشتہارات میں اداکاری کے جوہر دکھا چکی ہیں۔

حال ہی میں مداحوں کے سوالات کے جوابات دیتے ہوئے اداکارہ نے اب تک شادی نہیں کرنے کی اصل وجہ کے حوالے سے بتایا ہے۔

انہوں نے اپنے انسٹاگرام اسٹوری پر ایک اسکرین شاٹ لگایا جس میں صباء قمر سے کسی نے ان کی شادی کے حوالے سے سوال کیا تھا کہ، ’آپ نے ابھی تک شادی کیوں نہیں کی؟‘۔

اس سوال کا جواب دیتے ہوئے اداکارہ نے کہا ہے کہ، اس چار دن کی اٹینشن کے لئے، روز روز کی ٹیشن نہیں لے سکتی ہوں‘۔

خیال رہے کہ کچھ عرصہ قبل ادکارہ نے عظیم خان کے ساتھ شادی کے بندھن میں بندھنے کا فیصلہ کیا تھا لیکن کچھ سنگین الزامات کے باعث اداکارہ نے یہ رشتہ ختم کردیا تھا۔

یاد رہے کہ حکومت پاکستان نے ان کو تمغہ امتیاز سے نوازا جو شہریوں کو ان کی کامیابیوں کی بنیاد پر منعقد کیا جاتا ہے جبکہ 2016 میں انہوں نے فنون لطیفہ کے شعبوں میں نمایاں کام کے اعتراف میں پرائڈ آف پرفارمنس حاصل کیا ۔

اسکے علاوہ 2018 میں یوم آزادی کے موقع پر ڈیلی ٹائمز نے صبا قمر کو “پرائیڈ آف پاکستان” کا نام دیا ۔