رئیس کی آفر کا سن کر والدہ رونے لگی تھیں، ماہرہ خان

کلثوم ہرا

12th Jul, 2021. 07:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رئیس کی آفر کا سن کر والدہ رونے لگی تھیں، ماہرہ خان

پاکستان کی صفِ اول اداکارہ ماہرہ خان نے انکشاف کیا ہے کہ جب اُنہوں نے اپنی والدہ کو بتایا تھا کہ وہ بالی ووڈ کنگ شاہ رخ خان کے ساتھ اُن کی فلم میں جلوہ گر ہوں گی تو وہ خوشی سے رونے لگ گئی تھیں۔

بھارتی ویب سائٹ پر ماہرہ خان کا ماضی کا وہ انٹرویو شائع کیا گیا ہے جس میں اُنہوں نے فلم ’رئیس‘ کی آفر پر اپنے اہلخانہ کے ردّعمل کا ذکر کیا تھا۔

[amazonad category=”Mobile”]

اداکارہ نے کہا تھا کہ رات کا وقت تھا تو میں نے اپنے والد، والدہ اور بھائی کو بتایا کہ مجھے بھارت سے فلم رئیس میں کام کرنے کی آفر آئی ہے جس پر سب حیران ہوگئے تھے۔

ماہرہ خان نے کہا کہ میں نے گھر والوں کو بتایا کہ فلم میں شاہ رخ خان میرے ساتھی اداکار ہوں گے جس پر میری والدہ حیرانگی سے کہنے لگیں، کیا بولا؟ دوبارہ کہنا ، میں نے والدہ سے کہا، جی ہاں! میں شاہ رخ خان کے ساتھ کام کروں گی تو میری والدہ خوشی سے رونے لگیں کیونکہ اُنہیں اس بات پر بالکل یقین نہیں آرہا تھا۔

ماہرہ خان نے مزید کہا کہ میری والدہ خوشی سے نہال ہوگئی تھیں کیونکہ اُن کی ہمیشہ سے خواہش تھی کہ میں ایک بار شاہ رخ خان کے ساتھ ضرور کام کروں۔

واضح رہے کہ ماہرہ خان اور شاہ رخ خان ہندی فلم ’رئیس ‘ میں ایک ساتھ جلوہ گر ہوچکے ہیں۔