اداکارہ سونیا حسین اور فلم ساز شرمین عبید کی لفظی جنگ پر فیروز خان نے بھی ردعمل دے دیا۔

تفصیلات کے مطابق اداکار فیروز خان نے سونیا حسین کی حمایت کرتے ہوئے کہا کہ ایک مرتبہ میں نے ان خاتون سے متعلق ایک ویڈیو دیکھی تھی جہاں ایک عورت یہ شکایت کررہی تھی کہ شرمین عبید نے انہیں کام کا معاوضہ نہیں دیا۔

[amazonad category=”Mobile”]

فیروز خان نے لکھا کہ اب یہ خاتون کسی کی پرورش پر سوال اٹھا رہی ہیں۔

انہوں نے سونیا حسین کو ٹیگ کرتے ہوئے لکھا کہ یہ لوگ آپ کی تقدیر کا فیصلہ کرنے والے کوئی نہیں ہوتے، آپ نے بس مضبوط رہنا ہے۔

واضح رہے کہ شرمین عبید اور سونیا حسین میں لفظی جنگ جاری ہے، شرمین عبید نے سونیا حسین کے لئے کہا تھا کہ وہ کبھی ماہرہ نہیں بن سکتیں، فلم ساز نے اداکارہ کے لئے سخت الفاظ کا استعمال کیا تھا۔

شرمین عبید کے بیان پر ردعمل میں سونیا نے کہا کہ آپ کسی ایک اداکارہ کی حوصلہ افزائی کر کے اور دوسرے کو نیچا دکھا کر میری پرورش پر سوال کر رہی ہیں۔

یاد رہے کہ سونیا حسین نے 2018 میں ایک شو میں شرکت کی تھی جس میں ان سے پوچھا گیا تھا کہ اگر وہ ماہرہ ہوتی تو کس فلم میں کام نہ کرتیں ، جس پر ماہرہ کی تین فلموں ورنہ، رئیس، ہو من جہاں کا نام لیا گیا تھا۔