پاکستانی ڈرامہ انڈسٹری کے مشہور اداکار بابر علی ، جہنوں نے پاکستانی فلموں میں بھی بہت نام کمایا ہے۔

بابر علی نے”منڈا بگڑا جائے، چو مچائے شور، انصاف ہو تو ایسا، مجھے جینے دو، گھر کب آؤ گے، کھوئے ہو تم کہاں، یہ دل آپ کا ہوا، لڑکی پنجابن، گلابو، چنا سچی مچی، بھائی لوگ، سن آف پاکستان، میری جان“ میں اپنے کرداروں کے حوالے سے خوب پزیرائی حاصل کی ہے۔

حال ہی میں اداکار بابر علی اور ان کی بیٹی کی ایک ویڈیو سامنے آئی ہے۔

اس ویڈیو میں بابر علی اور ان کی بیٹی نے 90 کی دھائی میں فلمایا گیا گانا’جانو سن ذرا‘ کو ایک نیا رنگ دیا ہے۔

باپ بیٹی کی اس جوڑی نے اس گانے پر نئے انداز میں پرفارم کرتے ہوئے ایک چھوٹی سی ویڈیو بنائی ہے ۔

اس ویڈیو کے حوالے سے بابر علی نے کہا ہے کہ ’یہ گانا ان کے کیریئر کے آغاز کا سب سے پہلا گانا تھا جسے انہوں نے اپنی بیٹی کے ساتھ ایک بار پھر عکس بند کیا ہے‘۔

اس کے بعد اداکار بابر علی نے اس ویڈیو کو بناتے ہوئے پرایکٹس کے لمحات کو بھی شیئر کیا ہے۔

اس ویڈیو میں دونوں باپ بیٹی کو ویڈیو بنانے سے قبل کی جانے والی پریکٹس کرتے ہوئے دیکھا جاسکتا ہے  جس میں بابر علی اپنی بیٹی کو ایک ہدایتکار کی طرح ہر اسٹیپ پر ہدایت دے رہے ہیں۔

خیال رہے کہ اس سے قبل بھی بابر علی کی ان کی بیٹی کے ہمراہ بہت سے ویڈیوز سامنے آئی ہیں جسے مداھوں کی جانب سے بے حد سراہا گیا ہے۔